⚡️«Отбасы банкке» аударылған зейнетақы жинағын сақтау мерзімі өзгерді

Зейнетақы қорындағы артық ақшасын «Отбасы банкке» аударған салымшылар үшін жақсы жаңалық. Бұған дейін бұл қаражатты тұрғын үй жағдайын жақсартуға 6 жыл ішінде пайдалану қажет болатын. Енді бұл талап өзгерді.

Салымшылар ақшасын депозитте шексіз мерзімге сақтап, кейін үй алуға пайдалана алады.

t.me/abaiaqparatkz

⚡️TikTok эфирінде былапыт сөз айтқан Семей қаласының тұрғыны 5 тәулікке қамалды

Абай облысында полицейлер мониторинг барысында TikTok әлеуметтік желісіндегі тікелей эфирді анықтады. Эфир барысында әйел адам былапыт сөздер айтып, алкогольдік ішімдік ішіп отырғанын әдейі көрсеткен және айналасындағыларға құрметсіздік танытқан. Тікелей эфирді шамамен 12 мың адам көрген.

Полиция қызметкерлері құқық бұзушылық жасаған әйелдің жеке басын жедел анықтады. Ол Семей қаласының 53 жастағы тұрғыны Мадина Баяхметова болып шықты.

Сот әйелді ұсақ бұзақылық жасағаны үшін кінәлі деп танып, жасына байланысты бес тәулікке әкімшілік қамауға алу жазасын тағайындады.

t.me/abaiaqparatkz

🗓Республика күніне орай қазақстандықтар неше күн демалады?

2026 жылғы қазанда қазақстандықтар Республика күнін мерекелеуге байланысты қатарынан үш күн демалады. Ұлттық мереке 25 қазанда атап өтіледі. Биыл бұл күн жексенбіге түсетіндіктен, демалыс 26 қазан, дүйсенбіге ауыстырылады.

Бес күндік жұмыс аптасында қазан айында 21 жұмыс күні және 10 демалыс күні болады. Алты күндік жұмыс аптасында 26 жұмыс күні мен 5 демалыс күні қарастырылған.

t.me/abaiaqparatkz

⚡️Халық кеңесіне қанша ақша бөлінеді?

Қаржы министрлігі Халық кеңесінің қызметіне бөлінетін қаржының көлемін жариялады.

«Қазақстан Халық кеңесінің қызметіне 1,7 млрд теңге қарастырып отырмыз», -деді қаржы вице-министрі Абзал Бейсенбекұлы.

Құрылтайдың қарауына 2027-2029 жылдарға арналған бюджеттің жобасы түсті. Бүгін қаржы министрлігі оны депутаттарға таныстырды.

t.me/abaiaqparatkz

Кейде көңіл күйді жаңартуға бір ғана әдемі деталь жеткілікті✨

Ұлттық ою-өрнекпен көмкерілген нәзік әрі сәнді орамалдар — @abaielibrand дүкенінде😍

Қанық қызыл, нәзік ақшыл немесе жарқын көгілдір — қай түс сіздің образыңызды айшықтай түседі?🤍

Бұл — Анаңызға, әпке-сіңліңізге, құрбыңызға немесе өзіңізге сыйлық жасауға таптырмас идея. Өйткені өзіңізді қуанту үшін арнайы себептің қажеті жоқ. ❤️

Бағасы — 5 900 теңге.

t.me/abaiaqparatkz

⚡️Зейнетақы жинағын толығымен аударуға болады: 7 қыркүйектен жаңа ереже күшіне енді

Бұған дейін зейнетақы жинағының тек жартысын сенімгерлік басқаруға беруге рұқсат болған.

Осылайша, зейнетақы жинағы бар кез келген адам жеткіліктілік шегіне қарамастан барлық ақшаны сенімгерлік басқаруға аудара алады. Қазір зейнетақы қорының ақшасын Ұлттық банк басқарады.

Салымшы өз жинақтарын басқа сенімгерлік компанияға бір жылдың ішінде бір рет қана аудара алады.

t.me/abaiaqparatkz

⚡️Келесі жылы мұғалімдер мен дәрігерлердің жалақысы өсе ме?

Бүгін Құрылтайда алдағы үш жылдық бюджеттің жобасы таныстырылды.

Қаржы вице-министрі Абзал Бейсенбекұлының айтуынша, алдағы үш жылда мұғалімдер мен дәрігерлердің жалақысын көтеруге арналған қаржы қарастырылмаған.

2027 жылы 10,5 трлн теңге денсаулық сақтау, білім мен әлеуметтік салаға бөлінбек.

t.me/abaiaqparatkz

⚡️Доллар 444 теңге деңгейінде тұрақтады

KASE-тегі сауда-саттық қорытындысы бойынша доллардың орташа бағамы 444,58 теңге болды. Бір тәулікте америкалық валюта 0,25 теңгеге арзандады.

t.me/abaiaqparatkz

⚡️Семейде 20 отбасы баспаналы болды

Семейде әлеуметтік осал топтағы азаматтар мен толық емес отбасыларға пәтер кілттері табысталды. Салтанатты шараға Абай облысының әкімі Берік Уәли қатысты.

2025 жылдың соңында облыс орталығында 327 жалға берілетін пәтер сатып алынған. Оның ішінде Морозов көшесіндегі «Тарлан» тұрғын үй кешеніндегі пәтерлер кезекте тұрған азаматтарға «Отбасы банк» арқылы берілуде.

«Тарлан» тұрғын үй кешені 5 қабаттан, 19 подъезден және 463 пәтерден тұрады. Жергілікті әкімдік мұнда 90-нан астам пәтер сатып алған.

t.me/abaiaqparatkz

⚡️Абай облысының әкімі Берік Уәли капсуланың суретке түсу үшін ғана салынбайтынын атап өтті

Оның айтуынша, бұл – инвестордың халық алдындағы жауапкершілігі.

Өңір басшысы әрбір басталған құрылыс міндетті түрде аяқталуы тиіс екенін айтып, инвестор тарапынан нақты жауапкершілік болуы қажет екенін жеткізді.

t.me/abaiaqparatkz

⚡️Бородулиха ауданында терроризмге қарсы оқу-жаттығу өтіп жатыр

2026 жылғы 18 қыркүйекте Бородулиха ауданының Ауыл елді мекені аумағында Абай облысының терроризмге қарсы жедел штабының ұйымдастыруымен «Сақшы-Антитеррор-2026» терроризмге қарсы оқу-жаттығуы өткізілуде.

Іс-шараның мақсаты – терроризм сипатындағы түрлі қауіп-қатерлердің жолын кесу бойынша құқық қорғау және арнаулы мемлекеттік органдар күштері мен құралдарының әзірлік деңгейін тексеру.

Оқу-жаттығу өткізілетін нысандардың айналасында шектеу шаралары қарастырылған.

Азаматтардан сабыр сақтауды, ақпаратты тек ресми ақпарат көздеріне сүйеніп қабылдауды, халық арасында жалған мәліметтердің таралуына жол бермеуді және оқу-жаттығуға қатысатын мемлекеттік органдар қызметкерлерінің іс-әрекеттеріне түсіністікпен қарауды сұраймыз.

✍️Абай облысының
терроризмге қарсы
жедел штабы

t.me/abaiaqparatkz

⚡️Көкпекті ауруханасының жағдайы өңір басшысының сынына ілікті

Абай облысының әкімі Берік Уәли Көкпекті ауданына жұмыс сапары барысында ауылдағы аудандық аурухананың жағдайымен танысты.

Қазіргі таңда медициналық нысанда ішкі күрделі жөндеу жұмыстары жүргізілуде. Өңір басшысы аурухананы аралап, құрылыс жұмыстарының сапасы мен нысанның тазалығына қатысты сын-ескертулер айтты.

t.me/abaiaqparatkz

⚡️Бородулиха ауданында терроризмге қарсы оқу-жаттығу жалғасуда

2026 жылғы 18 қыркүйекте Бородулиха ауданының Ауыл елді мекенінде Абай облысының терроризмге қарсы жедел штабының ұйымдастыруымен «Сақшы-Антитеррор-2026» терроризмге қарсы оқу-жаттығуы өтуде.

Оқу-жаттығу барысында жекелеген аумақтарда уақытша шектеу шаралары енгізіледі.

Тұрғындардан сабыр сақтап, тек ресми ақпарат көздеріне сенуді және жалған ақпарат таратпауын сұраймыз.

t.me/abaiaqparatkz

⚡️Ақой ауылында ауыз су жобасы жүзеге асырылуда

Абай облысының әкімі Берік Уәли Көкпекті ауданына жұмыс сапары барысында Ақой ауылындағы су жинағыш станциясының жұмысымен танысты.

Ауылда 63 абонент бар. Оның 25-і орталықтандырылған су жүйесіне қосылған, тағы 8 үйге қажетті қазу жұмыстары жүргізілген. Қазір қалған 30 үйді су құбырына қосу жұмыстары атқарылуда.

Су жинағыш станциясында сорғы станциялары, таза су резервуарлары, трансформаторлық қосалқы станция, дизельді электр станциясы және басқа да қажетті нысандар қарастырылған.

Берік Уәли ауыл тұрғындарын сапалы ауыз сумен тұрақты қамтамасыз ету маңызды екенін атап өтті. Тұрғындар жобаға ризашылықтарын білдіріп, бұған дейін өзен және тұзды құдық суын пайдаланғандарын айтты.

t.me/abaiaqparatkz

⚡️Қарамойылға көшіп келген отбасы баспанамен қамтылды

Абай облысының әкімі Берік Уәли Көкпекті ауданына жұмыс сапары барысында «Қаладан ауылға» жобасы аясында Қарамойыл ауылына Қарағанды облысынан қоныс аударған көпбалалы отбасымен кездесті.

Сондай-ақ ауылдан шыққан кәсіпкер, «Талап» шаруа қожалығының басшысы Жұмабек Күшікбаев отбасыға баспана беріп, ауылға өз қаражаты есебінен мектеп пен мәдениет үйін салып берген.

Өңір басшысы ауылдың дамуына үлес қосып жүрген азаматтардың бұл бастамасы көпке үлгі екенін атап өтті.

t.me/abaiaqparatkz

⚡️Баспана сатып алғысы келетіндерге қатысты маңызды жаңалық жарияланды

Жылжымайтын мүлік бойынша мәмілелерді нотариаттық ресімдеу тәртібі өзгерді. 2026 жылғы 8 қыркүйектен бастап Қазақстанда пәтерді және басқа жылжымайтын мүлікті сатып алу-сатуға, сыйға тартуға, айырбастауға, кепілге қоюға немесе иеліктен шығаруға байланысты мемлекеттік тіркеуге жататын өзге де мәмілелерді енді тек мүліктің орналасқан жеріндегі нотариус қана куәландырыла алатын болды. Бұл туралы Әділет министрлігі хабарлады.

Жылжымайтын мүліктің адресі нотариаттық куәландырудың негізгі бағдарына айналады. Яғни, пәтер Ақтауда болса, оны иеліктен шығару немесе кепілге қою жөніндегі нотариаттық рәсім тек Ақтау қаласындағы нотариуста жүргізіледі.

t.me/abaiaqparatkz

⚡️Көкпектіде 190 млн теңгеге сауда орталығы салынып жатыр

Көкпекті ауданының орталығында жеке кәсіпкер Нұрбек Әкімбаевтің жеке қаражаты есебінен заманауи сауда орталығы салынып жатыр. Облыс әкімі Берік Уәли құрылыс барысымен танысты.

Екі қабатты және төменгі қабаты бар нысанның жалпы аумағы – 1 200 шаршы метр. Жобаның құны – 190 млн теңге. Құрылыс жұмыстары биыл басталған.

Өңір басшысы нысанды аралап, кәсіпкерлік бастамаларды қолдау және ауданда жаңа инвестициялық жобаларды жүзеге асырудың маңызын атап өтті.

t.me/abaiaqparatkz