Абай облысының ақсақалдары бата беруден сайысқа түсті
Қазақстан мұсылмандары діни басқармасының төрағасы Наурызбай қажы Тағанұлы Абай облысына сапары барысында ІІ республикалық «Ақ бата» байқауының аймақтық сайысы жеңімпаздарын марапаттау рәсіміне қатысты.
«Алла қаласа бүгінгі сайыстың жеңімпазы Абай облысының атынан Түркістанда өтетін республикалық бата беру байқауына қатысады. Біз де бір Алланың қалауымен Абай елі, Семей өңіріне қасиетті айда сапарлатып келіп отырмыз. Бүгінгі сайыстың марапаттау рәсіміне қатысудағы мақсатымыз – сіздердің баталарыңызды алып қалу. Алла Тағала қарияларымызға күш-қайрат, жастарымызға жігер, иман байлығын нәсіп етсін. Үлкеннің батасы мен алғысын алар ұрпағымыз көп болғай»,- деді Бас мүфти.
Айта кетейік, Семейдегі Абай Құнанбайұлы атындағы облыстық орталық мешітте өткен іріктеу сайысына 18 ақсақал қатысты. Жарма ауданынан келген Мұрат Жармұхамбетұлы жеңімпаз атанып, республикалық байқауға жолдама алды. Сондай-ақ Көкпекті ауданынан келген Сләмғазы Жұмаділұлы ІІ орынды, ал семейлік Жетпісбай Қасымжанұлы жүлделі ІІІ орынды иеленді. Батагөй ақсақалдарды Бас мүфти арнайы марапаттап, оларға диплом және қаржылай сыйлық табыстады.
Тағыда оқыңыз
Наурызбай қажы Тағанұлы Бас мүфти болып сайландыМемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіСемейде Қазақстан мұсылмандары діни басқармасы ауызашар бердіСемейде ел игілігіне жаңа мешіт пайдалануға берілдіҚасым-Жомарт Тоқаев: «Мақсатым – экономиканы және егемендікті нығайту»