2025 жылдың 25 қыркүйегінде ҚР Мәдениет және ақпарат вице-министрі Айзада Құрманованың төрағалығымен Үкіметтік емес ұйымдармен өзара іс-қимыл жөніндегі Үйлестіру кеңесінің отырысы өтті.

Кеңес жұмысына орталық мемлекеттік және жергілікті атқарушы органдардың өкілдері, сондай-ақ үкіметтік емес ұйымдардың жетекшілері қатысты.

Отырыста тұрғын үй-коммуналдық шаруашылық саласындағы және мүлік иелері бірлестіктерінің қызметіне қатысты мәселелер, сондай-ақ Азаматтық қоғамды дамыту тұжырымдамасының жобасы талқыланды. Негізгі баяндамалармен қатар, ҮЕҰ өкілдерінің ұсыныстары да тыңдалды.

Кеңес мүшелері уәкілетті және жергілікті органдар тарапынан тұрғын үй-коммуналдық шаруашылық саласындағы мәселелерге ерекше назар аударудың, сондай-ақ азаматтық сектор өкілдерімен өзара байланысты күшейтудің маңызын атап өтті.

Жиын қорытындысы бойынша мемлекеттік құрылымдар мен ҮЕҰ арасындағы ынтымақтастықты одан әрі жетілдіруге, сондай-ақ азаматтардың мүддесі үшін бірлескен жұмыстың тиімділігін арттыруға арналған ұсыныстар әзірленді.