Әлеуметтік қорғау саласын дамытудың ұлттық ғылыми орталығының (ӘҚСДҰҒО) Протездік-ортопедиялық көмек департаментінің базасында аяқ-қолды протездеудің заманауи технологияларына арналған бейінді семинар-мастер-класс өтті.

Оқыту іс-шарасы аясында қатысушыларға микропроцессорлық протездерді қолдану саласындағы инновациялық шешімдер таныстырылды. Атап айтқанда, мамандар жоғары технологиялық жүйе — S-Leg 4 тізе модулінің жұмысымен егжей-тегжейлі танысты. Бұл әзірлеме пациенттің бейімделгіш тұрақтылығын, қауіпсіздігін және барынша физиологиялық жүрісін қамтамасыз етеді, бұл оңалту процесінің тиімділігін айтарлықтай арттыруға ықпал етеді.

Семинар жұмысына Департаменттің техник-протезшілері, Satbayev University робототехника кафедрасының өкілдері, сондай-ақ түрлі клиникалардың бейінді медицина мамандары мен жоғары оқу орындарының студенттері қатысты. Іс-шара практикалық тәжірибе алмасу және отандық протездік-ортопедиялық көмек саласына озық технологиялық шешімдерді одан әрі жүйелі түрде енгізу тәсілдерін әзірлеу үшін маңызды сараптамалық алаң болды.

Жыл сайын Департамент мамандары мүгедектігі бар адамдар үшін шамамен 250 аяқ-қол протезін дайындап, орнататынын атап өткен жөн. Бұл ретте заманауи микропроцессорлық жүйелерді және жеке инженерлік тәсілді қолдануды қажет ететін күрделі әрі жоғары технологиялық протездеу жағдайларына ерекше назар аударылады.

Департаменттің қызметі дәстүрлі протездеу модельдерінен айырмашылығы, бұйымдардың жоғары сапасы мен функционалдылығын қамтамасыз етуге бағытталған. Практикалық жұмыспен қатар бейінді бөлімше инновациялық әзірлемелерді жүйелі түрде енгізуге және озық протездік жүйелерді қолдану тәжірибесін жинақтауға бағытталған белсенді ғылыми-әдістемелік қызметті жүргізеді.