Абай облысында 16 спорт нысаны пайдалануға берілді
Мемлекет басшысының тапсырмасына сәйкес Абай облысында спорт саласы қарқынды дамып келеді. Бұл туралы өңірлік коммуникациялар қызметінде өткен брифингте облыстық дене шынықтыру және спорт басқармасының басшысы Бахыт Бекбосынов мәлімдеді.
Өңірде бұқаралық спортқа ерекше көңіл бөлінуде. Қазіргі таңда спортпен жүйелі айналысатын тұрғындар үлесі 42%-ға жетіп, 2026 жылы бұл көрсеткішті 44%-ға арттыру жоспарланған. Спорттық инфрақұрылыммен қамтамасыз ету деңгейі де өсіп келеді.
- Жоғары жетістіктер спортында да оң нәтижелер бар. Жыл басынан бері облыс спортшылары ел чемпионаттарында 268 медаль жеңіп алды. Халықаралық жарыстарда да табысты өнер көрсетіп, Германиядағы әлем чемпионатында Вадим Чебардаков пен Анастасия Беловодова алтын жүлдеге ие болды,- деді басқарма басшысы.
Алдағы ірі халықаралық жарыстарға да дайындық жүріп жатыр. 2026 жылы Жапонияда өтетін Азия ойындарына, Сенегалдағы жасөспірімдер Олимпиадасына және Қырғызстандағы Дүниежүзілік көшпенділер ойындарына облыстан бірқатар спортшылар қатысуға үміткер.
- Сонымен қатар, алдағы Азия ойындары, жасөспірімдер Олимпиадасы және Дүниежүзілік көшпенділер ойындарына дайындық жүргізілуде.Бұқаралық спортты дамыту мақсатында жыл ішінде 1500-ден астам жарыс өткізу жоспарланған. Соңғы жылдары өңірде 16 спорт нысаны пайдалануға беріліп, тағы 17 нысанның құрылысы жалғасуда,- деп қорытындылады Бахыт Бекбосынов.
Тағыда оқыңыз
Семей қалалық мәслихатына бірмандаттық округ бойынша кімдер ұсынылды?Мемлекет басшысы Қасым-Жомарт Тоқаевтың Қазақстан халқына жолдауы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу»Қазақстан Республикасының Президенті Қасым-Жомарт Тоқаев: ҚАЗАҚСТАН ЖАҢҒЫРУДЫҢ ЖАҢА КЕЗЕҢІНЕ ҚАДАМ БАСТЫҚасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Ұлттық құрылтайдың бесінші отырысында сөйлеген сөзі