2026 жылғы 27 тамызда Семей қаласында Абай облыстық терроризмге қарсы күрес жөніндегі жедел штабының ұйымдастыруымен терроризмге қарсы оқу-жаттығу өткізілуде.

Оқу-жаттығудың негізгі мақсаты – террористік сипаттағы қатерлерге жедел ден қоюға тартылатын күштер мен құралдардың әзірлік деңгейін арттыру. Іс-шара барысында нақты жағдайларға барынша жақындатылған түрлі ахуалдық сценарийлер пысықталуда.

Оқу-жаттығу аясында оқу жағдайы пысықталып жатқан нысандардың бірі – «Дана» сауда үйі (ЦУМ). Осыған байланысты жол-көлік желісінің жекелеген учаскелерінде көлік қозғалысына уақытша шектеулер енгізілген. Атап айтқанда, Найманбаев – Мұхамедханов, Қабанбай батыр – Мұхамедханов және Уәлиханов – Мұхамедханов көшелерінің қиылыстары аумағында қозғалыс уақытша шектелген.

Қала тұрғындары мен қонақтарынан қауіпсіздік шараларын сақтауды, өткізіліп жатқан іс-шараларға түсіністікпен қарауды, расталмаған ақпаратты таратпауды және мемлекеттік органдар өкілдерінің заңды талаптарын орындауды сұраймыз.

Абай облыстық терроризмге қарсы күрес жөніндегі жедел штабы