Астанада Энергетика вице-министрі Ержан Ертаев пен Еуропалық инвестициялық банктің вице-президенті Марек Мора арасында кездесу өтті.

Кездесу барысында тараптар энергетика саласындағы ынтымақтастықтың перспективалы бағыттарын, оның ішінде энергетикалық қауіпсіздік, инфрақұрылымды дамыту және жаңғырту, энергетикалық көшу, сондай-ақ жаңартылатын энергия көздерін пайдалануды кеңейту мәселелерін талқылады.

Еуропалық инвестициялық банктің қатысуымен бірлескен энергетикалық жобаларды іске асыру, инвестициялар тарту, сондай-ақ техникалық және сараптамалық қолдау көрсету мүмкіндіктеріне ерекше назар аударылды.

Сондай-ақ тараптар өңірлік энергетикалық ынтымақтастықты дамыту және энергетика секторын тұрақты дамыту үшін маңызды ірі инфрақұрылымдық жобаларды іске асыру мәселелері бойынша пікір алмасты.

Қаржыландыру тарту, тәжірибе алмасу және энергетика саласында заманауи тәсілдерді енгізу мақсатында халықаралық қаржы институттарымен және еуропалық әріптестермен одан әрі өзара іс-қимыл жасаудың маңыздылығы атап өтілді.

Кездесу қорытындысы бойынша тараптар сындарлы диалогты жалғастыруға және энергетика саласындағы ынтымақтастықты одан әрі дамытуға өзара мүдделілігін растады.