Бүгін аймақ басшысы Берік Уәли белгілі жазушы, драматург, аудармашы әрі баспагер, жерлесіміз Роллан Сейсенбаевпен кездесті.

Көрнекті қаламгер, қоғам қайраткері Роллан Сейсенбаев өзінің шығармашылығы арқылы қазақ халқының әдебиеті мен мәдениетін кеңінен танытып, ұлы Абайдың мұрасын әлемге насихаттауға зор еңбек сіңіріп келеді.

Жазушының 80 жылдық мерейтойына орай 15 қазан күні Семей қаласында бірқатар мәдени-рухани іс-шаралар ұйымдастырылады. Мерейтой аясында жергілікті ақын-жазушылармен кездесу өтіп, қаламгердің шығармашылығына арналған «Майдан әндері» спектаклі қойылады.

Облыс әкімі кездесуде жазушының қазақ әдебиеті мен руханиятын , Абай мұрасын кеңінен насихаттауға қосқан үлесін атап өтіп, мерейлі мерейтойымен құттықтады.

Өз кезегінде Роллан Сейсенбаев арнайы қабылдап, құрмет көрсеткені үшін ризашылығын білдірді.