Мемлекеттік қызмет істері агенттігі орталық мемлекеттік органдардың персоналды басқару қызметтері мен Әдеп жөніндегі уәкілдері үшін онлайн вебинар форматында семинар-тренинг өткізді.

Іс-шараның мақсаты – мемлекеттік қызметшілердің құқықтық сауаттылығын арттыру, оларға бұрын мемлекеттік органдардың қызметінде анықталған бұзушылықтар мен кемшіліктерді талдау негізінде мемлекеттік қызмет саласындағы заңнама нормаларын түсіндіру.

Семинар-тренинг барысында мемлекеттік органды қайта ұйымдастыру немесе тарату, штат санын қысқарту, басқару құрылымын өзгерту, сондай-ақ демалыс және іссапарлар кезінде мемлекеттік қызметшілердің құқықтарын сақтау мәселелеріне жүргізілген талдау қорытындылары бойынша тәжрибеден алынған кейстер қаралды.

Қатысушыларға мемлекеттік қызмет туралы заңнаманың талаптарын, мемлекеттік қызметшілердің құқықтарын сақтауға бағытталған іс-шараларды жан-жақты және сапалы орындау қажеттілігі түсіндірілді.