Бүгін ҚР Өнеркәсіп және құрылыс министрлігінде «е-өтініш» ақпараттық жүйесінде өтініштер және тапсырмалармен жұмыс істеу бойынша семинар өтті.

Спикерлер қатарында ҚПСАЖ ММ-нің өтініштермен жұмыс жасаудағы мемлекеттік органдардың қызметін бағалау бөлімінің басшысы Нұрлан Шәкетаев, «Азаматтарға арналған үкімет» мемлекеттік корпорациясы» КЕАҚ «Е-Өтініш» жүйесін дамыту және үйлестіру бөлімінің бас менеджері Ақан Зейнолла сөз сөйледі.

Іс-шараға министрліктің қызметкерлері қатысты. Семинар спикерлері Мемлекеттік органдарға келіп түскен өтініштерді тіркеу, есепке алу ережелері туралы, сондай-ақ жүйеге келіп түсетін, есепке алуға жататын/жатпайтын өтініштердің түрлері туралы айтып берді.

Семинарға қатысушылар өздерін қызықтырған сұрақтарын қойып, спикерлермен бірге «е-өтініш» АЖ мүмкіндіктерін талқылады.