Абай облысында заңсыз айналымнан 415 килограмм есірткі тәркіленді
Нашақорлық пен оған қатысты құқықбұзушылықтар қоғам қауіпсіздігі мен ұлт денсаулығына төнген өзекті қауіптердің бірі. Бұл туралы Өңірлік коммуникациялар қызметінде өткен баспасөз мәслихатында Абай облысы Полиция департаменті Семей қаласы Полиция басқармас Есірткі қылмысына қарсы іс-қимыл бөлімінің бастығы полиция майоры Алиман Бегешханов хабарлады.
Абай облысы бойынша биыл заңсыз есірткі айналымы саласында 185 құқықбұзушылық анықталды. Оның ішінде 85-і ауыр және аса ауыр санаттағы қылмыстарға жатады.
– Заңсыз айналымнан 415 килограмм түрлі есірткі заттары тәркіленді, оның ішінде марихуана, гашиш және психотроптық заттар бар. Ауыр қылмыс жасағаны үшін 30 адам ұсталды, олардың бірі – облыс орталығындағы колледж студенті, кәмелетке толмаған жасөспірім, – деді Алиман Бегешханов.
1 маусым мен 31 қазан аралығында облыс аумағында есірткі өсіру мен таратудың алдын алу мақсатында «Қарасора–2025» жедел-профилактикалық іс-шарасы өткізіліп жатыр.
– Іс-шара басталғаннан бері Абай облысында 97 есірткі құқықбұзушылығы анықталды. Облыстағы өзекті мәселенің бірі – халық арасында «тұз» деп аталатын синтетикалық есірткілердің таралуы. Соңғы үш жылда наркологиялық есептегі адамдар саны 3–37 есеге дейін артқан, - деп атап өтті полиция майоры.
Тағыда оқыңыз
Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіҚасым-Жомарт Тоқаев: Біз озық ойлы ұлт ретінде тек қана алға қарауымыз керекМемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзіМемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына ЖолдауыҚасым-Жомарт Тоқаев: «Мақсатым – экономиканы және егемендікті нығайту»