Өңірде 191 есірткіге қатысты дерек тіркелді

Бүгін, 09:21 018.kz

Абай облысында соңғы жылдары есірткі қылмыстарының саны айтарлықтай өскен.Биылғы жылдың қорытындысы бойынша өңірде 191 дерек тіркеліп, оның 89-ы қылмыстық сипатта, қалғаны – әкімшілік құқық бұзушылықтар. Бұл көрсеткіш өткен жылмен салыстырғанда екі есеге жоғары.

Полицейлер заңсыз айналымнан 415 келіден астам есірткі және психотроптық заттарды тәркілеген. Көп жағдайда бұл істерге 18 жас шамасындағы жасөспірімдер мен жастар қатысқан. Олар оңай жолмен ақша табу мақсатында курьер ретінде немесе Telegram-боттар арқылы есірткі тасымалдауға тартылған.

– Қазір көпшілік тез әрі оңай табыс тапқысы келеді. Алайда мұндай әрекеттің соңы – темір тор. Ең өкініштісі, бұған жастардың араласуы. Сондықтан ата-аналарға айтарымыз – балаларыңыздың кіммен араласатынына, ұялы телефондарындағы чаттарына назар аударыңыздар. Алдын алу – ең тиімді қорғаныс, – деді Абай облысы Полиция департаментінің есірткі қылмысына қарсы іс-қимыл басқармасының аға жедел уәкілі, полиция капитаны Думан Үкіжанов.

Құқық қорғау органдары есірткі қылмысының алдын алу бағытында профилактикалық шараларды күшейтіп, оқу орындарында түсіндіру кездесулерін өткізуде. Мамандардың айтуынша, нашақорлықпен күресте қоғамның әр мүшесінің белсенділігі мен жауапкершілігі маңызды рөл атқарады.

Тағыда оқыңыз

Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Қазақстан халқына жолдауы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу»Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Қасым-Жомарт Тоқаев: Біз озық ойлы ұлт ретінде тек қана алға қарауымыз керек Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі

Бізге ақпарат жолдаңыз Телеграмдағы каналымыз

Өңірде 191 есірткіге қатысты дерек тіркелді

Пікірлер (0)