Абай облысында қаржыгерлерге құрмет көрсетілді

Бүгін, 13:55 Думан Кенжеғазыұлы

Семейде Ұлттық валюта – теңге күні мен қаржыгерлердің кәсіби мерекесіне орай саланың үздіктері марапатталды. Облыс әкімі Берік Уәли қаржы саласында көп жылдық адал еңбегімен және жоғары кәсібилігімен дараланған азаматтарды құттықтап, құрмет көрсетті.

«Қаржы жүйесі – мемлекетіміздің тірегі, ел дамуының күре тамыры. Қаржы саласының тиімді жұмысы экономиканың өркендеуіне, жаңа жобалардың жүзеге асуына және халықтың әл-ауқатының артуына негіз болады. Мемлекет басшысы Қасым-Жомарт Кемелұлы Тоқаев «Қазір ел экономикасында реформалар жүргізіліп жатыр. Мұның бәрі халықтың әл-ауқатын және еліміздің әлеуетін арттыру үшін жасалып жатқаны айдан анық» деп экономикалық даму мен қаржы саласын өркендетудің түпкі мақсатын айқын аңғартқан болатын. Қаржыгер мамандығы – жоғары жауапкершілікті, терең білім мен тиянақтылықты талап ететін абыройлы іс. Сіздердің кәсіби шеберліктеріңіздің, парасаттылық пен әділдіктің арқасында өңіріміздің қаржылық тәртібі нығайып, бюджеттік саясат тиімді жүзеге асып келеді. Ел игілігі жолындағы қажырлы еңбектеріңіз елене берсін. Білімі мен тәжірибесін ел дамуына арнаған әрбір қаржыгерге шынайы алғысымды білдіремін»,- деді аймақ басшысы.

Шара барысында Жаңасемей ауданының экономика және қаржы бөлімінің басшысы Айсұлу Ахметжанова Қаржы министрлігінің «Қаржы қызметінің үздігі», облыстық экономика және бюджеттік жоспарлау басқармасы басшысының орынбасары Ақбота Тұңғышханқызы мен осы басқарманың бөлім басшысы Әсем Жұматова Ұлттық экономика министрлігінің

«Экономика саласын дамытуға қосқан үлесі үшін» төсбелгісімен марапатталды. Облыстық қаржы басқармасының бөлім басшысы Лаура Жұманова

Қаржы министрлігінің Алғыс хатына, Абай облысы бойынша қазынашылық департаментінің зейнеткері Саят Ақмолдин мен "Отбасы банкінің" облыстық филиалының директоры Равиль Сәбитов, тағы да басқа азаматтар облыс әкімінің Алғыс хатына ие болды.

Биылғы 9 айдың қорытындысы бойынша Абай облысының әлеуметтік-экономикалық даму көрсеткіштері оң қарқынмен сақталды. Мемлекеттік бюджетке облыстан 441,4 млрд теңге салық пен міндетті төлемдер түсті. Оның ішінде республикалық бюджетке – 316,7 млрд, жергілікті бюджетке – 124,7 млрд теңге. Бұл – өткен жылмен салыстырғанда 137,3% өсім.

Тағыда оқыңыз

Мемлекет басшысы Қасым-Жомарт Тоқаевтың Қазақстан халқына жолдауы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу»Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы

Бізге ақпарат жолдаңыз Телеграмдағы каналымыз

Абай облысында қаржыгерлерге құрмет көрсетілді

Пікірлер (0)