Қолжазбалар және сирек кітаптар ұлттық орталығында Әбу Насыр әл-Фарабидің туғанына 1155 жыл толуына орай «Ұлы даланың ұлы тұлғасы» атты дөңгелек үстел өтті.

Дөңгелек үстелде әл-Фарабидің философиялық және ғылыми мұрасы, оның Шығыс Ренессансындағы рөлі, еңбектерінің маңызы және идеяларының қазіргі ғылыммен сабақтастығы туралы айтылды. Сондай-ақ орталықтың сарапшылары мен ғалымдар «Қайырымды қала тұрғындары» трактатының философиялық мәні және ойшылдың өркениет тарихындағы рөлі туралы баяндамалар жасады.

Дөңгелек үстел аясында Қолжазбалар және сирек кітаптар ұлттық орталығының қорында сақталған әл-Фараби және басқа да ортағасырлық ғұламалардың еңбектеріне арналған тақырыптық көрме ұсынылды. Көрмедегі құнды мұралар қатарында әл-Фарабидің саясат пен әлеуметтануға қатысты философиялық ойлары жазылған «Саяси күнделік» және «Музыкалық салаға кіріспе» атты екі қолжазбасы болды.