Абай облысының әкімі Сурдлимпиада ойындарының жүлдегерлеріне құрмет көрсетті

Бүгін, 09:45 Думан Кенжеғазыұлы

Бүгін облыс әкімі Берік Уәли Жапонияның Токио қаласында өткен XXV Сурдлимпиада ойындарында қола жүлдегер атанған дзюдошылар Алтынбек Кәкітаев пен Айым Жетпісбаевамен және олардың жаттықтырушылармен кездесті. Аймақ басшысы жеңімпаздарға облыс жұртшылығы атынан алғыс білдіріп, жарқын жетістіктерімен құттықтады.

«Мұндай жоғары нәтиже – жылдар бойы жинақталған тәжірибенің, табанды еңбектің, қайсар мінез бен мінсіз дайындықтың, сондай-ақ нағыз шеберлік пен кәсіби биіктіктің жарқын көрінісі. Сіздердің жетістіктеріңіз тек жеке жеңіс емес, Абай облысының, жалпы Қазақстанның абыройын асқақтатқан зор мәртебе. Мемлекет басшысы спортты, оның ішінде мүмкіндігі шектеулі жандар спортын дамытуға ерекше көңіл бөліп келеді. Бұл бағытта ел көлемінде қолдау шаралары жүйелі түрде іске асуда. Абай облысында да спортты дамыту, қолжетімді инфрақұрылым құру және талантты спортшыларды қолдау бойынша нақты жұмыстар атқарылып жатыр. Сіздердің жетістіктеріңіз осы жұмыстың маңызын тағы бір мәрте дәлелдейді. Жеңістеріңіз өңір спортшыларына сенім, жастарға күш-қуат беретін қуаныш, ал біздің облыс үшін зор мәртебе», - деді облыс әкімі.

Аймақ басшысы Жапонияда жоғары деңгейде өнер көрсеткен Алтынбек Кәкітаев пен Айым Жетпісбаеваға және олардың жаттықтырушылары Мақсат Маралбайұлы мен Мәдина Елтайқызына Алғыс хат пен арнайы сертификаттарды табыс етті.

Абай ауданы, Қарауыл ауылының тумасы Алтынбек Кәкітаев соңғы жылдары ұлттық және халықаралық жарыстарда тұрақты түрде жеңімпаз атанып келеді. 60 келі салмақта Қазақстан чемпионаты мен ҚР кубогында бірінші орынға ие болды. 2024 жылы Әлем чемпионаты мен Азия-Тынық мұхиты ойындарының чемпионы атанды. Ұлттық құрама мүшесі.

Семейлік Айым Жетпісбаева 48 келі салмақта жоғары нәтижеге жетіп жүр. 2024-2025 жылдары Қазақстан чемпионаты мен Кубогында бірінші орын иеленді. Азия-Тынық мұхиты жарысында жүлдегер атанып, ұлттық құраманың негізгі спортшысы ретінде өнер көрсетуде.

Тағыда оқыңыз

Мемлекет басшысы Қасым-Жомарт Тоқаевтың Қазақстан халқына жолдауы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу»Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы

Бізге ақпарат жолдаңыз Телеграмдағы каналымыз

Абай облысының әкімі Сурдлимпиада ойындарының жүлдегерлеріне құрмет көрсетті

Пікірлер (0)