Әзербайжанда ТМҰ-ға мүше елдердің үкіметтік емес ұйымдары арасында ынтымақтастықты нығайтуға арналған форум өтті. Іс-шараға Қазақстан, Әзербайжан, Түркия, Өзбекстан, Қырғызстан, Түрікменстан және басқа да елдердің азаматтық қоғам ұйымдарынан 500-ден астам өкіл жиналды.

Қазақстан тарапынан форумға ҚР Мәдениет және ақпарат министрлігінің Азаматтық қоғам істері комитетінің, Қазақстан Азаматтық альянсының, Community Hub қорының және «Сенімен Болашақ» РҚБ-ның өкілдері қатысты.

Іс-шара аясында «I Әзербайжан-Қазақстан ҮЕҰ ынтымақтастық форумы», сонымен қатар «Зангезур дәлізі: түркі географиясын жалғайтын көпір» және «WUF13 жолында» атты тақырыптарда панельдік пікірталастар өткізілді.

Форумның қорытындысы бойынша Алматының Азаматтық альянсы мен Әзербайжанның «Ümidli Gələcək» ҮЕҰ арасында ынтымақтастық туралы меморандумға қол қойылды.