Үш айға созылған «Салалық журналистика мен медиакоммуникациядағы өзекті тәсілдер» атты курс мәресіне жетті. Бағдарлама шеңберінде баспасөз хатшыларына арналған үш семинар және салалық тақырыпта жазатын журналистер үшін төрт семинар ұйымдастырылды.

Сонымен қатар 2025 жылғы 5 қарашада салалық журналистиканы дамыту және кадрларды даярлау жүйесін жетілдіру мәселелеріне арналған дөңгелек үстел өтті. Іс-шара барысында ҚР Мәдениет және ақпарат министрлігі мен «Kcell» АҚ журналистердің кәсіби деңгейін арттыру және медиасалаға заманауи технологияларды енгізу бойынша ынтымақтастық меморандумына қол қойды.

Бағдарламаға мемлекеттік органдардың және квазимемлекеттік сектордың баспасөз қызметі өкілдері, сондай-ақ бұқаралық ақпарат құралдарының журналистері, жалпы 150-ден астам маман қатысты. Курс қазақ және орыс тілдерінде өтті және Қазақстанның барлық өңірлеріне онлайн-трансляция жасалды.