Қостанай облысында IT-шешімдерді енгізетін өнеркәсіп объектілерінің саны соңғы екі жылда екі есеге жуық өсті. Егер 2022 жылы технологияны кәсіпорындардың 17,8%-ы пайдаланса, бүгінде аталған көрсеткіш 34%-ға жетті. Бұл туралы Үкімет отырысында аймақ әкімі Құмар Ақсақалов мәлімдеді.

Осы жылдың қаңтар-қазан айларында өңдеу өнеркәсібінде шамамен 2,0 трлн теңгеге өнім өндірілген, нақты көлем индексі – 106,8%.

Машина жасауда өсім – 22,6%, тамақ өнеркәсібінде – 13,7%, металлургияда  – 42,6%-ды құрады. Саланы одан әрі дамыту үшін 8,7 мың жұмыс орнын аша отырып, 2,3 трлн теңгеге 33 инвестициялық жобаның тізбесі қалыптастырылды. 

«Биыл 3,3 мың жұмыс орнын аша отырып,  317,6 млрд теңгеге 6 жоба жүзеге асырылуда, оның ішіндегі маңызды жобалардың қатарында – 21 қазанда Мемлекет басшысының қатысуымен іске қосылған толық циклді KІА автомобиль зауыты бар. Бұл 68 өнеркәсіптік роботтармен жабдықталған әлемдік деңгейдегі жоғары технологиялық өндіріс. Автоматтандыру деңгейі 60%», — деді аймақ әкімі Құмар Ақсақалов. 

Облыс басшысының айтуынша машина жасау секторындағы тағы бір маңызды жоба – автокомпоненттер шығаратын зауыт салу.  Осы жоба бойынша құрылыс жұмыстары аяқталу сатысында. Сонымен қатар машина жасау саласында «KamLitKZ» жауапкершілігі шектеулі серіктестігі 2 ірі жобаны іске қосуды жоспарлап отыр. Өткен жылы бұл кәсіпорын шойын құю зауытын пайдалануға берген. Зауыттар 49 роботпен және технологиялық жабдықтармен қамтамасыз етілген.

Сондай-ақ бірқатар ірі және капиталды қажет ететін жобаны жүзеге асыру бойынша жұмыстар жүргізілуде, оларды алдағы жылдары іске қосу жоспарланып отыр. Мәселен, металлургия саласында жоғары технологиялық жабдықты пайдалана отырып, ыстық брикеттелген темір өндіретін зауыт салынады. Еуропалық жеткізуші компаниялар «Midrex» технологиясы бойынша жабдықтар өндірісін бастады. Астықты терең өңдеу жөніндегі 2 зауытты салу бойынша  жобалар жүзеге асырыла басталды, онда да қазіргі заманғы цифрлық және автоматтандырылған технологиялар қолданылатын болады.

Ақпараттық технологияларды пайдаланатын сала кәсіпорындарының үлесі 34,0%-ды құрайды, бұл 2022 жылғы көрсеткіштерден 16,2 пайыздық тармаққа жоғары. 

«СарыарқаАвтоПром» ЖШС-де 37,3 млрд теңге инвестиция сомасына Chevrolet Onix, Jetour, Skoda автомобильдерін шығару бойынша жобалар жүзеге асырылды, жасанды интеллект элементтері бар бірқатар цифрлық шешімдер енгізілді. 24 робот іске қосылды. «Баян Сұлу» акционерлік қоғамы «Кондитерлік Астана»  жобасын жүзеге асыруда. 

Ол өндірістің барлық кезеңдерін және өнімнің жоғары сапасын бақылау үшін жоғары технологиялық желілермен жабдықталатын болады.

«Большевичка» ЖШС шағын өнеркәсіптік аймақтарды жүзеге асыру шеңберінде қолданыстағы өндірісті қайта құру жүргізілуде. Тігін операцияларын адамның қатысуынсыз орындауға мүмкіндік беретін заманауи автоматтандырылған және цифрлық шешімдер енгізілуде. Қазіргі заманғы өндірістер жаңа форматтағы мамандарды қажет етеді. Осыған байланысты жоғару оқу орындарының базасында әлемнің жетекші университеттерімен қос дипломды білім беру бағдарламалары ашылды. Басымдық – «Ақпараттық технологиялар».

Машина жасау, металлургия және тау-кен ісі, экономика және құрылыс, энергетика және ақпараттық жүйелер жөніндегі жоғары мектептер, жасанды интеллект кафедрасы ашылды.

Жалпы, өңдеу өнеркәсібін дамыту және цифрландыру мәселелері тұрақты бақылауда.