Көкпекті ауданы Үлкенбөкен ауылында тұрғындар мен белсенді жастардың қатысуымен жас ұрпақты толғандыратын өзекті мәселелерді талқылауға арналған арнайы кездесу ұйымдастырылды.

Диалог барысында қатысушылар патриоттық тәрбие, жастардың жұмыспен қамтылуы мен кәсіби дамуы, сондай-ақ белсенді азаматтық ұстанымды қалыптастыру тақырыптарын жан-жақты қарастырды. Ерекше назар аударылған мәселелердің бірі – жастардың мәдени құндылықтарды сақтау және туған өлкенің дамуына қосар үлесі болды.

Кездесуде қатысушылар өз идеялары мен бастамаларын ортаға салып, тәжірибелік ұсыныстарын бөлісті. Олар мұндай кездесулердің жастар мен қоғам арасында өзекті мәселелерді талқылау, тәжірибе алмасу және пікір білдіру үшін маңызды алаң екенін атап өтті.

Аталған шара жастардың қоғамдағы рөлін арттыруға, олардың патриоттық сана мен белсенді азаматтық ұстанымын қалыптастыруға, сондай-ақ ауылдық жерлерде қоғамдық диалогты дамытуға бағытталған маңызды іс-шаралардың бірі болды.