«Шығыс» өңірлік қолбасшылығында әскери бөлім командирлерінің қару-жарақ жөніндегі орынбасарларымен оқу-әдістемелік жиынөтті. 

Іс-шара қару-жарақ пен әскери техниканы пайдалануға, сақтауға және жөндеуге жауапты лауазымды тұлғалардың кәсіби даярлық деңгейін арттыру мақсатында ұйымдастырылды. Жиынға өңірлік қолбасшылықтың құрамына кіретін барлық гарнизондардан қару-жарақ жөніндегі бөлім командирлерінің орынбасарлары қатысты. 

Жиын барысында қатысушылар әскерлердегі техникалық қамтамасыз етуді ұйымдастырудың, қару-жарақ пен әскери техниканы пайдалану жүйесін жетілдірудің, сондай-ақ регламенттік және қалпына келтіру жұмыстарын жүргізудің тиімділігін арттырудың өзекті мәселелері талқылады. Қару-жарақ пен әскери техникамен жұмыс істеу кезінде қауіпсіздік талаптарын сақтау мәселелеріне ерекше назар аударылды.

Сабақтың тәжірибелік бөлігі әскери бөлімдердің бірінің базасында өтті, онда қару-жараққа техникалық қызмет көрсетуді, диагностиканы және ақаулықтарды жоюды ұйымдастыру бойынша іс-шаралар пысықталды. Қатысушылар да тәжірибе алмасып, бөлімшелерде қару-жарақты ұйымдастырудың заманауи тәсілдерін қарастырды. 

Жиын қорытындысы бойынша «Шығыс» өңірлік қолбасшылығының басшылығы қорытынды шығарып, одан әрі жұмыстың басым бағыттары айқындап және әскерлердің жауынгерлік әзірлігі мен техникалық жарақтандыру деңгейін арттыру бойынша міндеттер қойылды. 

Абай өңірлік гарнизонының баспасөз қызметі