Премьер-министр Олжас Бектеновтің төрағалығымен өткен Үкімет отырысында Әлеуметтік-экономикалық даму болжамы және 2027–2029 жылдарға арналған республикалық бюджет жобасы мақұлданды. Негізгі басымдықтар макроэкономикалық тұрақтылықты сақтау, әлеуметтік міндеттемелерді орындау, экономикалық өсімді ынталандыру және инфрақұрылымдық және әлеуметтік нысандарды озық қарқынмен салу болып айқындалды.

Премьер-министрдің орынбасары – ұлттық экономика министрі Серік Жұманғарин Әлеуметтік-экономикалық даму болжамы туралы баяндама жасады. Инфляция, төлем балансы және Ұлттық қор мәселелері бойынша Ұлттық банктің төрағасы Тимур Сүлейменов сөз сөйледі. 2027–2029 жылдарға арналған республикалық бюджеттің жобасы туралы қаржы министрі Мәди Такиев баяндады.

«2027-2029 жылдарға арналған республикалық бюджет туралы заң жобасы, Еліміздің әлеуметтік-экономикалық даму болжамы негізінде әзірленді. 2027 жылға арналған негізгі параметрлері келесідей:

• түсімдер 25,6 трлн теңгені немесе жалпы ішкі өнімнің 12,9%-ын құрады.
• Ұлттық қордың кепілдендірілген трансферт көлемі, 2,4 трлн теңге мөлшерінде белгіленді. 2 трлн теңге көлеміндегі нысаналы трансферт, ас маңызды объектілерге және жалпы ұлттық маңызы бар жобаларға бағытталатын болады.
• Бюджет тапшылығы 2027 жылы жалпы ішкі өнімнің  2,3% болады деп жоспарлануда.
• Шығыстар биылғы жоспармен салыстырғанда 2,5 трлн теңгеге артып, 30,2 трлн теңгені құрайды», — деді қаржы министрі.

Оның айтуынша, бюджетті қалыптастырудың маңызды ерекшелігі, шығыстардың өсуін қамтамасыз ету ғана емес, ресурстарды ең алдымен мемлекеттік міндеттемелерді орындауға, экономиканы, өңірлерді және адами капиталды дамытуға бағыттай отырып, бюджет қаражатының әрбір теңгесінен қайтарымды арттыру болды.

Әлеуметтік саланың шығыстары, 2027 жылға 10 трлн 544 млрд. теңге көлемінде жоспарланған. Бюджет жобасында, әлеуметтік төлемдерді алушылар санының өзгеруі мен индекстеу ескерілді. Халықты әлеуметтік қолдаудың қажетті деңгейін қамтамасыз етуге, қосымша 739 млрд. теңге көзделді.

«Экономиканың нақты секторын қолдауға арналған бюджет шығыстары, 3 трлн 892 млрд. теңгені құрайды, бұл осы жылдың деңгейінен 507 млрд. теңгеге артық. Шығыстардың ұлғаюы, ең алдымен ел экономикасы үшін жүйелі, маңызы бар инфрақұрылымдық жобаларды жүзеге асыруды жалғастырумен байланысты болды. Жалпы алғанда, жергілікті атқарушы органдардың даму бюджеттерін ескере отырып, экономиканың нақты секторын қолдауға арналған шығыстар, шамамен 7 трлн теңгені құрайды», — деді Мәди Такиев.

Бюджет жобасында күштік блогқа 3,3 трлн теңге көзделген, ол осы жылдың жоспарына қарағанда 257 млрд. теңгеге ұлғайып отыр. Әкімшілік мемлекеттік органдарға – 787 млрд. теңге көзделген. Бұл шығыстарды қалыптастыру кезінде, мемлекеттік шығыстардың тиімділігі мен нәтижелілігі, әкімшілік шығындардың негізсіз ұлғаюына жол бермеу және республикалық бюджеттің теңгерімділігін сақтау қағидаттары ескерілді. Бұл ретте, әкімшілік шығыстарды қысқарту, мемлекеттік органдардың өздеріне жүктелген функциялары мен қабылданған мемлекеттік міндеттемелерін орындауы үшін тәуекелдер тудырмайды.

Сонымен қатар, бюджет жобасы жүргiзiлiп жатқан конституциялық және институционалдық реформаларға байланысты, жүйелi өзгерiстер назарға алынды. Тиісінше, Құрылтай мен Қазақстан Халық Кеңесінің қызметін қамтамасыз етуге арналған шығыстар ескерілді.

Қаржы министрінің айтуынша, республикалық бюджетті қалыптастыру кезінде, қаржылық тәртiп сақталды, тиiмсiз әкiмшiлiк шығыстар қысқартылды, және институционалдық қайта құру мен жаңа мемлекеттiк функцияларды жүзеге асыру үшiн, қажеттi жағдайлар жасалды.