2026 жылғы 28 тамызда Қазақстан Республикасы Өнеркәсіп және құрылыс министрлігінде Әдеп жөніндегі уәкілетті өкілдің жұмыс жоспарын іске асыру шеңберінде, эмоционалдық интеллектіні, күйзеліске төзімділікті және эмоционалдық икемділік дағдыларын дамытуға арналған оқыту семинары өтті.

Семинардың лекторы — АГУ штаттан тыс тренері, ТМД Спикерлер қауымдастығының мүшесі, ТОП-фасилитатор, CPBA&CPVA TTI Success Insights сертификатталған талдаушысы, MBA, кәсіби спикер, ELIGAI әйелдер қауымдастығының резиденті Жанна Ибраева.

Семинар барысында күйзеліске төзімділік, эмоционалдық күйзелу, өзін-өзі сезіну және өзін-өзі реттеу мәселелері қарастырылды. Қатысушылар эмоционалдық реакцияларды басқарудың практикалық құралдарымен, күйзелісті жағдайларда жұмысқа қабілеттілікті сақтаудың тәсілдерімен және туындайтын қиындықтарға саналы түрде жауап беру тәсілдерімен танысты.

Эмоционалдық интеллектінің өз эмоцияларын түсіну және оларды өзара іс-қимыл мен нәтижеліліктің сапасын арттыру үшін тиімді қолдану қабілеті ретіндегі мәніне ерекше назар аударылды. Оның негізгі құрамдас бөліктері: өзін-өзі сезіну, өзін-өзі реттеу, ішкі уәждеме, эмпатия және қарым-қатынас дағдылары қарастырылды.

Семинардың практикалық бөлігінде өзін-өзі реттеу дағдыларын дамытуға, эмоционалдық триггерлермен жұмыс істеуге және эмоционалдық тепе-теңдікті қалпына келтірудің түрлі тәсілдерін қолдануға бағытталған жаттығулар өткізілді. Сонымен қатар қатысушыларға өзінің мінез-құлық ерекшеліктерін жақсырақ түсінуге, өзге адамдардың мінез-құлқындағы айырмашылықтарды қабылдауға және неғұрлым тиімді коммуникация үшін өзара іс-қимыл стилін бейімдеуге мүмкіндік беретін DISC моделі таныстырылды.

Семинарды өткізу мемлекеттік қызметшілердің сындарлы өзара іс-қимыл дағдыларын нығайтуға, эмоционалдық тұрақтылығын арттыруға және тиімді кәсіби қызметке қажетті құзыреттерін дамытуға бағытталған.

Семинар қорытындысы бойынша спикер Жанна Ибраеваға мемлекеттік қызметшілердің кәсіби және тұлғалық құзыреттерін дамытуға, эмоционалдық тұрақтылығы мен тиімді өзара іс-қимыл дағдыларын жетілдіруге қосқан үлесі үшін Қазақстан Республикасы Өнеркәсіп және құрылыс министрінің атынан Алғыс хат табысталды.