Қазақстан Жазушылар одағы сырқаттанып жүрген ақын жазушыларға көмек көрсетеді
Қазақстан Жазушылар одағы Басқармасының хатшылығы сырқаттанып жүрген ақын жазушыларға көмек көрсету туралы мәселені қарастырды.
Қазақстан Жазушылар одағы Басқармасының Төрағасы Мереке Құлкенов бұл бастама одақ жанынан құрылған «Қазақ әдебиетінің меценаты» қоғамдық қоры арқылы жүзеге асатындығын айтып өтті.
«Жазушылар одағы тек қоғамдық бірлестік қана емес, үлкен отбасы екендігімізді ұмытпауымыз керек. Осыны ескере отырып, қазіргі таңда ауыр сырқаттанып жатқан ақын-жазушыларымызға көмек көрсету туралы шешім қабылдадық», - деді М.Құлкенов жиналыс барысында.
Ағымдағы жылдың соңына дейін 50 мың теңге көлемінде ай сайынғы материалдық көмек Несіпбек Айтов, Заря Жұманова, Жүрсін Ерман, Айсұлу Қадырбаева, Сара Латиева, Тұрлыбек Мәмесейіт, Нина Скалковскаяға берілетін болады.
Мереке Құлкенов мүмкіндігінше қаламгерлерге әлеуметтік қолдау білдіріп, шығармашылықпен айналысуға жағдай жасау одақтың негізгі міндеттерінің бірі екендігін жеткізді.
Тағыда оқыңыз
Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзіМемлекет басшысының еліміздің әлеуметтік-экономикалық даму мәселелері жөніндегі кеңейтілген кеңесте сөйлеген сөзіШәкәрім шаңырағы – Абай елінің рухани қара шаңырағы!2023 жылғы жалпы егіс алқаптарының көлемі 23,4 млн гектарды құрайды