ҚР Өнеркәсіп және құрылыс министрлігінде вице-министр Иран Шарханның Еуропа, Таяу Шығыс және Африка елдеріндегі өңірлік директор Ди Филиппо Джованнидің басшылығымен «Lenovo» компаниясының делегациясымен кездесуі өтті.

Кездесудің мақсаты Қазақстан мен «Lenovo» компаниясы арасындағы ынтымақтастықтың перспективаларын, оның ішінде қазақстандық нарықта техникалық және серверлік технологияларды енгізу мүмкіндіктерін талқылау болды. Компания қызметінің үш негізгі бағытына ерекше назар аударылды: соңғы құрылғылар, инфрақұрылымдық шешімдер тобы және сервистік бөлімше.

«Lenovo» компаниясы Қазақстандағы серверлік жабдықтар мен деректерді сақтау жүйелеріне ерекше қызығушылық танытты. Министрлік өз тарапынан ынтымақтастықтың барлық кезеңдерінде қолдау көрсетуге дайын екендігін растады. Мұндай шешім қазақстандық тараптың елдегі өршіл жобаларды іске асыру үшін озық технологияларды тартуға деген ұмтылысын көрсетеді.

Бұл кездесудің Министрлік пен «Lenovo» сияқты халықаралық компаниялар арасындағы технологиялық ынтымақтастықты нығайтудағы маңызы зор.