Абай облысында ұлттық спорт түрлерінен 5-ші дүниежүзілік көшпенділер ойындары аясында республикалық турнир өтті

29-07-2024, 10:27 018.kz

Абай облысының, Ақсуат ауданыңда ұлттық спорт түрлерінен «Алтын бесік - Ақсуат» спорт және өнер фестивалі өтті.

5-ші дүниежүзілік көшпенділер ойындары аясында ұлттық спорт түрлерінің бірі қазақ күресінен өгіз және түйе балуандар арасында “Асыл Арлан” атты Республикалық турнир өтті. 17 облыстан 56 спортшы бақ сынасты. Өгіз балуан бойынша 32 балуан бақ сынасып Абай облысының спортшысы Тұқышев Дидар топ жарса, 2-орын Жетісу облысының спортшысы Алтынбек Рауан иеленді. Қола жүлде Жамбыл облысының спортшысы Сүлеймен Ернұр және АОСК құрамы Нұрмаханұлы Ибрагимге бұйырды.

Түйе балуан бойынша 24 спортшы бақ сынап Абай облысының балуандары Қажыбаев Ерасыл түйе балуан атанып, Нуралинов Даурен 2-ші орын иеленді. Қола жүлде Түркістан облысының балуаны Шамшидинов Қайсар және Маңғыстау облысының балуаны Жарылғапов Нұрдаулетке бұйырды.

«Алтын бесік – Ақсуат» спорт және өнер фестивалінің аясында өтіп жатқан бәйге түрлері көпшіліктің делебесін қоздырып, шашасына шаң жуытпаған не бір сәйгүліктердің атын шығаруда. Әсіресе, 135 шақырымдық Ұлы аламанға көпшіліктің ықыласы ерекше болды. Нәтижесінде Маңғыстау облысынан үкіленіп келген «Көкжебе» атты жүйрік мәреге бірінші келді. Ат иесі Ербол Ермағанбетов. Екінші болып Алматы облысы Кеңсай ауылынан ат иесі Маейемеров Ержанның «Кеңсай» атты сәйгүлігі келді. Үздік үштікті Жетісу облысынан келген «Қаһарман» атты бәйге түйіндеді, иесі Шамиль Қадыров.

Ұлы аламанға жалпы саны 80 ат қатысты.

Айта кетерлігі, 8-13 қыркүйекте Астана қаласында 5-ші Дүниежүзілік көшпенділер ойындары өтеді. Іс-шараға 89 елден 2000-нан астам спортшы қатысады деп жоспарлануда. 5-ші Дүниежүзілік көшпенділер ойындарының Бас демеушісі - ALAGEUM ELECTRIC, Ойындардың Бас серіктесі - Halyk Bank. Астанада өтетін Дүниежүзілік көшпенділер ойындарында барлығы 21 спорт түрінен 97 медаль жиынтығы сарапқа салынады.

Тағыда оқыңыз

Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Үкіметте Қазақстан өңірлерінің су тасқынына дайындығы қаралды Қазақстан Республикасының Президенті мен Ресей Федерациясы Президентінің бірлескен мәлімдемесі Қасым-Жомарт Тоқаев: Біз озық ойлы ұлт ретінде тек қана алға қарауымыз керек

Бізге ақпарат жолдаңыз Телеграмдағы каналымыз

Абай облысында ұлттық спорт түрлерінен 5-ші дүниежүзілік көшпенділер ойындары аясында республикалық турнир өтті

Пікірлер (0)