Семейде құтқарушылар скверінің салтанатты ашылуы өтті. Сквер – жауапкершілігі ауыр, міндеттері қиын төтенше жағдайлар қызметкерлерінің құрметіне арналып, арнайы композициямен құрылған.

Сквер аумағында балалар, ойын және демалыс алаңдары бар. Жақын орналасқан көп қабатты үйдің қасбетінде тақырыпқа сай түрлі-түсті мурал салынған. Тақтатас төселіп, абаттандыру және асфальттау жұмыстары жүргізілді.

Абай облысының әкімі Нұрлан Ұранхаев өз құттықтауында жаңа сквердің қоғамның қауіпсіздігі үшін өмірлерін қатерге тігетін жандарға құрмет пен ризашылықтың белгісіне айналатынын атап өтті.

Облыс әкімі сонымен қатар қала тұрғындарын жаңа алаңға ұқыпты қарап, тазалықты сақтауға шақырды. Бұл біздің ортақ жауапкершілігіміз екенін айтты.

Құтқарушылар сквері қаланың сол жағалауындағы Баздырев пен Қостанай көшелерінің қиылысында орналасқан.