Абай облысында «SARAP» эксперттік клубының отырысы өтті

2-08-2024, 17:52 Думан Кенжеғазыұлы

2024 жылғы 2 тамызда Семей қаласында Қазақстан Республикасы Мәдениет және ақпарат министрлігінің қолдауымен Қазақстандық қоғамдық даму институтының ұйымдастыруымен «SARAP» эксперттік клубының «Азаматтық жауапкершілікті қалыптастыруда тәлім-тәрбие берудің ықпалы: стратегиялар мен әдістер» атты аймақтық жиыны өтті.

Жиынға «Қазақстандық қоғамдық даму институты» КЕАҚ Басқарма төрағасының орынбасары Олжас Бейсенбаев, Абай облысы әкімінің кеңесшісі Азамат Қасым, Абай облысы ішкі саясат басқармасы басшысының орынбасары Арман Жемагулов, ҚҚДИ сарапшылары, қоғам және БАҚ өкілдері қатысты.

Алдымен шара модераторы – Қазақстандық қоғамдық даму институтының Басқарма төрағасының орынбасары Олжас Түсіпбекұлы Ұлттық құрылтайдың маңызын атап өтті.

«Бүгінде мемлекеттік идеологияны жаңа мазмұнмен толықтыру мәселесіне қайта мән беріліп отыр. Ұлттық бірегейлікті нығайту идеясының практикалық және теориялық өзегі артты. Осы орайда Президенттің былтырғы Ассамблеядағы, Түркістан мен Атыраудағы өткен құрылтайдағы сөзі, биылғы «Егемен Қазақстандағы» сұхбаты еліміздің әлеуметтік-гуманитарлық саладағы, идеологиялық бағыттағы жаңа даму контурларын анықтап берді. «Ұлттық құрылтайдың» басты мақсаты — қоғамның бірлігі мен тұтастығын одан әрі нығайту бойынша идеяларды әзірлеу. Атыраудағы жиында қатысушылар тиісті тақырып бойынша 100-ден астам бастама мен ұсыныс айтты. Президент тарапынан нақты 38 тапсырма берілді. Осының барлығын сараптап, ұсыныстар жинақтау үшін алғашқы аймақтық отырысымызды киелі Абай өңірінен бастауды жөн көрдік»,- деді спикер.

Жиын барысында тақырып бойынша әр сала өкілдері баяндама жасап, отырыс нәтижесінде қатысушылар нақты мәселелерге тоқталып, біршама ұсыныстар енгізді.

Тағыда оқыңыз

Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Мемлекет басшысы Қасым-Жомарт Тоқаевтың Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында сөйлеген сөзі Қасым-Жомарт Тоқаев: Біз озық ойлы ұлт ретінде тек қана алға қарауымыз керек Қазақстан Республикасының Президенті мен Ресей Федерациясы Президентінің бірлескен мәлімдемесі

Бізге ақпарат жолдаңыз Телеграмдағы каналымыз

Абай облысында «SARAP» эксперттік клубының отырысы өтті

Пікірлер (0)