Елордада өтетін V Дүниежүзілік көшпенділер ойындарының өтуіне аз уақыт қалды.  Дайындық барысы туралы қазақ күресінен ұлттық құрама мүшесі Ерсін Сейтказинов айтып берді.

Дүниежүзілік көшпенділер ойындарында 2018 жылғы Азия чемпионатының жеңімпазы, Абай облысы Мақаншы ауданы, Қабанбай ауылының тумасы, халықаралық дәрежедегі спорт шебері Ерсін Сейтказинов өнер көрсетеді. Спортшының қазіргі жеке бапкері Думан Қыздарбеков.

Спортшының айтуынша, осы уақытқа дейін 5 оқу жаттығу жиындары өткізілген. Қазір спортшылар Шучинск қаласында дайындықта жүр. Дүниежүзілік көшпенділер ойындарына дайындық ақпан айынан басталған.

Сонымен қатар спортшы жеңіс үшін бар күшін салатынын және жеңіске жетіп жатса, жеңісін халқына, еліне арнайтындығын айтты.

Абай облысынан спорттың осы түрі бойынша оқу жаттығу жиындарында бір-біріне көмектесу мақсатында толық құрамадан 40-қа жуық спортшы жүр.