Ағымдағы жылдың 5-6 наурызына қараған түні Аягөз қаласының 13-ӨСБ пультіне Тәңірберген көшесінде барак үлгісіндегі тұрғын үйді су басу қаупі бар екендігі туралы хабарлама келіп түсті.

Оқиға орнына Нива автокөлігімен 13-ӨСБ қызметкерлері және жергілікті атқарушы органдардың өкілдері шықты.

Келгеннен кейін жауын-шашынның көп түсуіне, қардың қарқынды еруіне және атмосфералық ауа температурасының өзгеруіне байланысты су өткізгіш құбырдың қатуы (мұздың пайда болуы) орын алғаны анықталды, нәтижесінде 2 қабатты 10 пәтерлі барак үйінің 1-қабатында орналасқан екі пәтер су астында қалды. Су кіреберіске және 2 пәтерге 10 сантиметр деңгейінде кірді.

Су өткізгішті тазалағаннан кейін су деңгейі төмендеді. Содан кейін олар 2 мотопомпаны орнатып, су айдай бастады.

Сору жұмыстары таңғы 5-ке дейін жалғасты, пәтерлерден су толығымен сорылды.

Су тасқынын жою жөніндегі жұмыстарға Аягөз қаласының 13-ӨСБ жеке құрамы және сорғы жабдықтарын қолдана отырып, жергілікті атқарушы органдардан 15 адам қатысты.

Сонымен қатар, Аягөз ауданының күшімен 5 тонна инертті материал төгіліп, Бигелдинов көшесі бойынша 100 дана қап төселді.

2023 жылдың 6 наурызында күннің күрт жылынуына байланысты Атырау облысының екі ауылында еріген судың жиналуына байланысты шақырулар келіп түсті. 

Атап айтқанда Индер ауданы Жарсуат ауылының Ж. Қазиев көшесінде тереңдігі 60 см болатын жаңбыр және еріген қар суларын арнайы су сору техникасымен сорып ауыл сыртына шығару жұмыстарын жүргізуде. Тәулікте 3000 м3 су сорылды.

Қызылқоға ауданы Миялы ауылында көшелердің бірінде орналасқан үш үйдің аулаларынан 600м3 қар суы шығарылды.

Авариялық-құтқару жұмыстарына Атырау облысы Төтенше жағдайлар департаментінен 23 қызметкер, 3 бірлік техника мен 1 бірлік мотопомпа , Жергілікті атқарушы органның 27 қызметкері және 2 бірлік техника, 5 мотопомпа жұмылдырылды.

Еріген қар суларын сору бойынша авариялық-құтқару жұмыстары жүргізілуде.

ҚР ТЖМ баспасөз қызметі