Отырыстың негізгі мақсаты: Қазақстан халқы Ассамблеясының әлеуметтік маңызы бар жобаларын, оның ішінде «Қайырымдылық керуені» халықтық жобасын іске асыру жөніндегі шараларын үйлестіру, қоғам өмірінде белсенді, халыққа жанашыр азаматтар мен кәсіпкерлердің алдағы уақытта бірлесе атқаратын қызметтерін айқындау. 

Жиын барысында «Жомарт жан» орталығының мақсаттары мен міндеттері таныстырылып, Абай облысының оқу жылының басталуы қарсаңындағы «Мектепке жол» қайырымдылық акциясы аясында атқарылған жұмыстар талқыланды. 

Отырыс қорытындысына сәйкес «Жомарт жан» орталығының мүшелері айқындалып, қатысушылардың барлық дауысы негізінде орталықтың төрағасы болып ҚР Қазақстан халқы Ассамблеясының мүшесі, жеке кәсіпкер Рамиль Рахимбаев сайланды.