Халықтық штаб мүшелері «Қаражыра» АҚ ұжымымен АЭС құрылысы Қазақстандағы ғылыми – техникалық прогресті ынталандырып, энергетика саласында инновациялық технологияны дамытуға ықпалы туралы кездесу өткізді.

Атом энергетикасы экономиканың маңызды қозғалтқышына және жоғары технологиялық сектордың локомотивіне айналады. Іргелес салалар үшін орасан зор мультипликативті әсер береді және ғылыми зерттеулердің өсуіне әкеледі. 

Осылайша, атом электр станцияларын салу және пайдалану озық технологияларды, инновацияларды және ІТ шешімдерді енгізуді талап ететіндігі туралы Абай облыстық Халықтық штаб мүшелері азаматтармен әңгімелесу өткізіп, толықтай ақпарат берді. Қазақстанда 2030 жылға қарай электр энергиясын өндіру сағатына 140,5 млрд. кВт-қа дейін ұлғаяды. Дегенмен, бұл халық тұтынатын энергияны өтеп бере алмайды. Сондықтан осы мәселе алдағы уақытта күн тәртібінен түспейтін маңызға ие болмақ. Бұл туралы кездесу барысында баяндаған штаб өкілдері электр тапшылығын жоюдың жалғыз жолы – атом электр станциясын салу екенін де атап айтты.

Сондай-ақ, АЭС-тің елдің экономикасына, халықтың әлеуметтік тұрмысына пайдасын жақ-жақты түсіндірді. 

Айта кету керек, 6 қазан – еліміз  үшін аса маңызды күн. Көпшілікті осы саяси науқанға белсене қатысып, шешім шығаруға шақырған штаб мүшелері түсіндірме жұмыстарын әлі де жалғастырады.