Абай облысында мал жаю ережелерін бұзғаны үшін 2 мыңнан астам ауыл тұрғынына айыппұл салынды

19-09-2024, 10:09 Думан Кенжеғазыұлы

Абай облысында жыл басынан бері иесіз малдардың қатысуымен 168 жол-көлік оқиғасы тіркеліп, салдарынан 1 адам қаза тауып, 19 адам жарақат алған.

Мал жаю ережелерін бұзғаны үшін 2 мыңнан астам ауыл тұрғыны әкімшілік жауапкершілікке тартылды, бірақ айыппұлдар жағдайды жақсарта алмай отыр, себебі жол-көлік оқиғаларының саны әлі де артып келеді. Бұл туралы Абай облысы Полиция департаменті жергілікті полиция қызметі басқармасы бастығының орынбасары, полиция подполковнигі Бауыржан Садақбаев мәлімдеді.

– Бұл мәселенің негізгі екі себебі бар: мал иелерінің өз малын қадағаламауы және ауыл шаруашылығы жануарларын сырғаламау мен чиптеудің жоқтығы. Бұл бағытта аудандық әкімдіктер, ветеринариялық инспекциялар мен ауыл шаруашылығы бөлімдері тарапынан жұмыстардың әлсіз ұйымдастырылғаны байқалады, себебі жол-көлік оқиғаларының алдын алу тек полицияның емес, жергілікті атқарушы органдардың да міндеті, – деді Бауыржан Садақбаев.

ИСЖ деректері бойынша, облыс аумағында 2 млн 375 мың 152 бас ауыл шаруашылығы жануарлары тіркелген. Биылғы 8 айда қараусыз қалған 4 820 бас ауыл шаруашылығы жануары арнайы тұрақтарға орналастырылып, мал жаю ережелерін бұзғаны үшін 2 289 адам ҚР ӘҚБтК 408-бабы бойынша әкімшілік жауапкершілікке тартылған.

– Облыста ауыл шаруашылығы жануарларын уақытша ұстауға арналған 110 арнайы тұрақ бар. Сонымен қатар, апаттылықты талдау нәтижесінде жеті қалааралық жолда 11 қауіпті учаске анықталып, «ҚазАвтоЖол» АҚ-мен бірлесіп, жол бойына 21 патрульдік көлік пен ауыл шаруашылығы жануарларының макеттері орнатылды, – деп түйіндеді спикер.

Мемлекеттік органдар өкілдері ауыл шаруашылығы жануарларының иелеріне мал жаю ережелерін қатаң сақтауға, малды қадағалауға және уақытылы сырғалап, чиптеу қажеттігін еске салды.

Тағыда оқыңыз

Қасым-Жомарт Тоқаев: Біз озық ойлы ұлт ретінде тек қана алға қарауымыз керек Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысының еліміздің әлеуметтік-экономикалық даму мәселелері жөніндегі кеңейтілген кеңесте сөйлеген сөзі

Бізге ақпарат жолдаңыз Телеграмдағы каналымыз

Абай облысында мал жаю ережелерін бұзғаны үшін 2 мыңнан астам ауыл тұрғынына айыппұл салынды

Пікірлер (0)