2024 жылғы 30 қыркүйекте Қазақстан Республикасының Көлік Вице-министрі Мақсат Қалиақпаров пен ҚР КМ Азаматтық авиация комитетінің Төрағасы Салтанат Томпиева ИАТА-ның Еуропа бойынша өңірлік Вице-президенті Рафаэль Шварцманмен кездесті.

Кездесуде Көлік министрлігі мен ИАТА арасындағы азаматтық авиация саласындағы ынтымақтастық мәселелері, оның ішінде Қазақстан Республикасының JET A-1 маркалы авиаотынға көшуі, инфрақұрылымды дамыту, әуежайларды тиімді басқару, орнықты даму, биоотынға көшу, Қазақстан Республикасында халықаралық авиация (CORSIA) үшін көміртегі шығарындыларын өтеу және азайту бағдарламасын іске асыру мәселелері талқыланды) және басқалар. Рафаэль Шварцман Қазақстанның авиация саласы дамуының елеулі серпінін атап өтті, сондай-ақ Қазақстан Республикасының Халықаралық азаматтық авиация ұйымының саясатына және оның стандартына бейілділігін жоғары бағалады.

Сондай-ақ, Рафаэль Шварцман Көлік министрлігі мен Азаматтық авиация комитетіне 2024 жылдың 1-2 қазанында жоспарланған авиациялық билік өкілдері мен азаматтық авиация саласының мамандары үшін ұшу қауіпсіздігі және орнықты даму жөніндегі IATA аймақтық семинарын ұйымдастырғаны үшін алғыс айтты. Кездесу қорытындысы бойынша тараптар одан әрі жемісті ынтымақтастықты жалғастыруға келісті.