Бүгін, 6 қазанда Қазақстанда атом электр станциясының (АЭС) құрылысына қатысты жалпыхалықтық референдум өтіп жатыр. Дауыс беруге облыстық Достық үйінің директоры Надежда Шарова да қатысып, бұл шараның маңыздылығына тоқталды. 

Қарағайлы шағын ауданында орналасқан №479 сайлау учаскесінде 2 мыңға жуық адам дауыс беруі керек. Ашылғаннан бері 70-тен астам адам дауыс беріп үлгерді.

Естеріңізге сала кетейік, дауыс беру таңғы сағат 7:00-ден 20:00-ге дейін жалғасады, соңғы мәліметтер бойынша, 12 миллионға жуық азамат дауыс беруге құқылы. Облыс бойынша барлығы 474 сайлау учаскесі құрылды: 438-і азаматтардың тұрақты тіркелген жерінде, тағы 36-сы уақытша болатын жерінде орналасқан. Сайлаушылар тізіміне 407 549 адам енгізілген - бұл референдумға қатысуға құқығы бар азаматтар. Сонымен қатар, көшпелі сайлау комиссиялары ұйымдастырылды. 

Бүгін еліміздің түкпір-түкпіріндегі қоғам қайраткерлері мен белсенді азаматтар өз таңдауын жасап, Қазақстан үшін маңызды шешімдерге қатысты азаматтық ұстанымын растау үшін сайлау учаскелеріне барады.