Осы жылдың сәуір айында 33 жастағы футзал жұлдызы «Семей» футзал клубымен келісімшартқа отырған болатын. Ол осыған дейін «Барселонада» ойнап, УЕФА Чемпиондар лигасын екі рет жеңіп алған еді.

Мыңдаған жанкүйерлердің кумиріне айналған футболшы Ферраоны ABAI Халықаралық әуежайында салнатты түрде қарсы алды. Көптеген жанкүйерлер оның аты-жөні жазылған жазулармен күтіп алып, «Туған қалам Семейім» әнін шырқады. Және футболшының Семейге келгеніне қуанышты екендерін жеткізді.

Феррао жанкүйерлерімен тілдесіп, қолтаңба беріп, күтіп алушылармен фотосуретке түсті. Тіпті, «ABAI ELI BRAND» шоурумына өз қолтаңбасын қалдырды. 

Еске сала кетейік, Бразилия құрамасының бұрыңғы ойыншысы үш жыл қатарынан (2019, 2020 және 2021) әлемнің ең үздік футзалшысы деп танылған болатын.