Шараның мақсаты – қоғамдағы рухани бірлікті нығайту, әртүрлі конфессиялар арасындағы ынтымақтастықты арттыру және өзара түсіністікке негізделген мәдениет қалыптастыру болды.

Іс-шараға Семей қаласы ішкі саясат бөлімінің басшысы міндетін атқарушы М. Чайкова, қаланың діни бірлестіктерінің жетекшілері, сондай-ақ бұқаралық ақпарат құралдарының өкілдері қатысты. 

Отырыс барысында қатысушылар рухани келісімнің қоғам үшін маңызын талқылап, дінаралық татулықты сақтау жолында жасалып жатқан жұмыстарға тоқталды. Әртүрлі конфессиялар өкілдері сөз алып, бейбітшілік пен тұрақтылықты нығайтуға бағытталған бастамаларымен бөлісті.

Сонымен қатар, отырыста діни ұйымдардың қоғамдағы рөлі, азаматтық бірлік пен ұлтаралық келісімді қамтамасыз ету мәселелері қаралды. Спикерлер рухани құндылықтарды дәріптеудің, өзара сыйластықты насихаттаудың маңыздылығына ерекше назар аударды.

Отырыстың қорытындысында қала әкімінің атынан рухани келісімді сақтау және қоғамның дамуына үлес қосып жүрген бірқатар азаматтарға Алғыс хаттар табыс етілді. Бұл марапаттар олардың өзара татулық пен ынтымақтастықты нығайтудағы қажырлы еңбегін айрықша атап өтуге бағытталды.

Семей қаласында Рухани келісім күнін мерекелеу дәстүрге айналып, жыл сайын тұрақты түрде аталып келеді. Бұл іс-шаралар қоғам мүшелерінің арасындағы бірлік пен түсіністікті арттырып, әртүрлі мәдениет пен дін өкілдерінің ынтымақтастықта өмір сүруіне ықпал етеді.

Отырыс соңында қатысушылар алдағы уақытта да рухани құндылықтарды дәріптеуде бірлесе жұмыс істеуге дайын екендіктерін білдіріп, болашақта қаладағы бейбітшілік пен тұрақтылықты сақтауға күш салатындықтарын айтты.