Құрметті құтқарушылар!

Сіздерді кәсіби мерекелеріңіз — Құтқарушылар күнімен шын жүректен құттықтаймын! Көзсіз ерліктеріңіз бен батылдықтарыңыз әрқашан үлгі.

Қиын сәттерде көмекке келіп, адам өмірін сақтап қалу — үлкен ерлік.

Сіздер уақытпен санаспай, кез-келген төтенше жағдайлардың алдын алуда алдыңғы сапта еңбек етіп келесіздер.

Біз биыл облыс орталығында Құтқарушылар скверін аштық. Бұл сіздерге деген қала халқының құрметі.

Бүгінде төтенше жағдайлар қызметкерлерінің беделі жоғары. Бұл жауапты да қиын мамандықты игеру кез-келген адамның қолынан келе бермейтін іс.

Осы мерекелі күні сіздерге зор денсаулық, отбасылық бақыт және қызметте табыс тілеймін. Абыройларыңыз асқақтап, беделдеріңіз биіктей берсін. Мерекелеріңіз құтты болсын!

Құрметпен, Нұрлан Ұранхаев
Абай облысының әкімі