Республика күніне орай кең көлемде ағаш отырғызылды
Республика күнінде Абай облысында сенбілік өтіп, көшет отырғызылды. Өңірді көгалдандыру және экологиялық жағдайды жақсарту мақсатында өткен шараға 200-ге жуық адам қатысты. Олардың қатарында облыс әкімі Нұрлан Ұранхаев, мәслихат төрағасы Қуаныш Сүлейменов, облыстық басқарма басшылары, саяси партиялар өкілдері, депутаттар, қоғам белсенділері, жастар және белсенді тұрғындары бар.
Сенбілік аясында жергілікті климатқа арнайы таңдап алынған 100 түп үйеңкі мен жөке көшеттері отырғызылды. Бұл ағаш түрлері аймақтың экологиялық жағдайында жақсы өмір сүреді және қалалық кеңістіктерді көркейтуге үлес қоса алады.
«Республика күні аясында «Таза Қазақстан» акциясын жалғастырып отырмыз. Бұл бір күндік шара емес, алдағы уақытта да жалғасын табады. Облыс орталығынан бөлек, барлық қала, аудандарымызда үлкен қолдау тауып отыр. Біздің мақсатымыз – ағаш отырғызу ғана емес, экологиялық мәдениетті дамыту», – деді аймақ басшысы Нұрлан Ұранхаев.
Сенбілік тек ағаш отырғызумен шектеліп қалған жоқ. Қатысушылар сонымен қатар аумақтарды тазалап, қоғамдық аумақтарды абаттандырды.
Тағыда оқыңыз
Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіМемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыМемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына ЖолдауыҚасым-Жомарт Тоқаев: Біз озық ойлы ұлт ретінде тек қана алға қарауымыз керекМемлекет басшысы Қасым-Жомарт Тоқаевтың Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында сөйлеген сөзі