Жақында Абай облысының дін істері басқармасы  Абай облысының білім басқармасымен бірлесіп ақпараттық-түсіндіру жұмысы аясында дөңгелек үстел өткізді. Бұл шараға қаламыздағы колледждердің және университеттің басшыларының тәрбие жұмысы бойынша орынбасарлары қатысты. 

Дөңгелек үстелдің басты мақсаты – кәмелет жасына толмаған жас буынның арасында зайырлы қоғам мен рухани құндылықтарды насихаттау. 

Облыстық дін істері басқармасының басшысы Сейілбек Ысқақов жастардың болашағы үшін адамгершілік тәрбиесі маңызды рөл атқаратындығына, сол тұрғыда олардың діни радикализммен күресу имунитетін қалыптастыру қажеттігіне тоқталды.

Шараға қатысқан Абай облыстық білім басқармасы басшысының орынбасары Әсем Хасенқызы, дін мәселелерін зерттеу орталығының директоры М.Өмірханов жастар арасында интернет кеңістігін пайдалану арқылы терроризм мен діни экстремизм қаупіне ұрынбаудың, оның алдын алудың тиімді тетігін құрудың маңыздылығын тілге тиек етіп, түсіндіру жұмыстарын арттыру қажеттігін атап өтті.