Наурыз көже, шашу және ыстық бауырсақтармен Семейдегі №84 сайлау учаскесінде алғашқы дауыс берушілерді қарсы алды. Учаскенің ашылуына зейнеткерлер, студенттер және барлық белсенді қала тұрғындары келуде.№84 учаске Семей қалалық мәдениет сарайында орналасқан, онда бір кездері көптеген қазақстандық әртістер өнер көрсетті. Сайлаудың алғашқы минуттарында аға буын бата беріп, әсем әуен шырқалды. 

Естеріңізге сала кетейік, Семейде 232 мыңнан астам сайлаушы тіркелген.Сайлаудың ашықтығы мен заңдылығын қамтамасыз ету үшін дауыс беру орындарында бейнебақылау жүргізіледі, сондай-ақ дауыс беру барысын бақылайтын байқаушылар жұмыс істейді.Таңертеңгі сағат 7-де қалада 149 сайлау учаскесі дауыс беруге кірісті. Оның 19–ы жабық, 22 - сі ауылдық округтерде орналасқан.