Биылғы жылғы Наурыз мерекесінде орнатылған ұлттық нақыштағы қазақ үйлер Үржар ауданының құрылғандығына 95 жыл толуына орай ұйымдастырылды. 

«Бұқар жыраудың туғанына- 330 жыл», «Сұлтан Бейбарыстың туғанына – 800 жыл», «Шәкәрiм Құдайбердиевтiң  туғанына 165 жыл», ««Отыншы Альжановтың туғанына 150 жыл», «Мағжан Жұмабаевтың туғанына – 130 жыл», «Ұлы жүздің биі Төле бидің туғанына – 360 жыл», «Қожа Ахмет Яссауидің туғанына – 930 жыл», «Махамбет Өтемісұлының туғанына – 220 жыл» тақырыбында атаулар беріліп, безендірілді.

«Үржар барысы» қазақша күрестен аудандық турнирі, «Наурыз дода» гір көтеру, арқан тарту, қол күрес және басқа да ұлттық ойын түрлерінен жарыстар өтеді. 

Наурыз мейрамын тойлауға аудан бойынша 58-ден астам қазақ үй тігіліп,  наурыз көже, бауырсақ таратылды. Мереке Yржар ауданының барлық ауылдық округтерінде кең көлемде өткізілуде.