Астанада тәрбие құрылымдарының офицерлері күніне арналған салтанатты іс-шара өтті

Бүгін, 11:43 Думан Кенжеғазыұлы

Кәсіби мерекеге орай ҚР Қарулы күштерінің Ұлттық әскери-патриоттық орталығында әскерлердің оқу-жауынгерлік қызметін моральдық-психологиялық тұрғыда қамтамасыз етуді ұйымдастыруға, әскери қызметшілердің отбасыларымен, ардагерлермен және жастармен жұмыс істеуге жауапты офицерлер жиналды.

Командирлердің тәрбие және идеологиялық жұмыс жөніндегі орынбасарлары институтының құрылуы 1993 жылғы 19 қаңтарда ҚР Президентінің Қарулы күштерге тиісті лауазым енгізу туралы Жарлығының шығуымен байланысты.

Салтанатты жиынға Құрлық әскерлерінің, Әуе қорғанысы күштерінің, әскери оқу орындарының, тыл және қару-жарақ бастықтары басқармаларының, Қорғаныс министрлігінің Бас инспекциясының, Бас әскери-медициналық басқарманың, Әскери полиция бас басқармасының, Армия орталық спорт клубының, Ақмола өңірлік гарнизонында орналасқан әскери бөлімдердің тәрбие құрылымдары офицерлері және олардың отбасы мүшелері қатысты.

Қатысушыларды Қорғаныс министрінің орынбасары генерал-майор Шайх-Хасан Жазықбаев мерекемен құттықтап, ардагерлердің дәстүрлерді қалыптастыруға және жастарды әскери-патриоттық тәрбиелеуге қосқан үлесін атап өтті.

– Идеология және әскери-патриоттық тәрбие, моральдық-психологиялық тұрақтылық пен әскери қызметшілерді әлеуметтік қамтамасыз ету мәселелері, ардагерлермен және жастармен жұмыс – бұл сіздер атқаратын міндеттердің негізі ғана. Сіздер әскер ұжымдарын біріктіру, әскери қызметшілердің ар-намысы мен қадір-қасиетін қорғау, әскери қызметтің имиджін нығайту бойынша үлкен жұмыс жүргізесіздер. Қарулы күштер ауқымында бірде-бір іс-шара сіздерсіз өтпейді, – деп генерал-майор Шайх-Хасан Жазықбаев офицер-тәрбиешілер қызметінің маңыздылығын атап өтті.

Ол сондай-ақ әріптестеріне білім беру құрылымдарының офицерлері қатысатын алдағы іс-шаралар туралы хабардар етті.

– Өткен жыл қазақ халқының даңқты батырлары Сағадат Нұрмағамбетов пен Рақымжан Қошқарбаевтың 100 жылдығын атап өттік. Биылда маңызды шаралар легі көп. Ұлы Отан соғысындағы Жеңістің 80 жылдығы жақындап келеді. Кеңес Одағының батыры Әлия Молдағұлованың жүз жылдығына орай, ол туған Ақтөбе облысында «Айбын» халықаралық әскери-патриоттық жастар жиыны өтеді, – деді министрдің орынбасары.

Іс-шара ҚР Қарулы күштері Ұлттық әскери-патриоттық орталығының шығармашылық ұжымы дайындаған мерекелік концертпен аяқталды.

Тағыда оқыңыз

Абай гарнизонында Тәрбие құрылымдарының офицері күніне арналған іс-шаралар өтті Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Жартыжылдық қорытындысы: армияны жаңғырту, әскери жаттығулар және бітімгерлік қызмет Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы

Бізге ақпарат жолдаңыз Телеграмдағы каналымыз

Астанада тәрбие құрылымдарының офицерлері күніне арналған салтанатты іс-шара өтті

Пікірлер (0)