Қазақстанда танымал демалыс орындары үшін жаңа әуежайлар салынады. Бұл туралы Мемлекет басшысының қатысуымен өткен Үкіметтің кеңейтілген отырысында министрлер кабинетінің басшысы мәлімдеді. Бектеновтың айтуынша, қажетті авиациялық инфрақұрылымы бар ұшу-қону жолақтары Зайсан, Катонқарағай және Кендірліде пайда болады. 

Осылайша, үш курорттық аймақтың туристік әлеуетін толық ашу жоспарлануда.

Сонымен қатар, көлік-логистикалық әлеуетті ашу үшін Ақтауда әуе хабын құру, Мойынты-Қызылжар теміржол желісінің, сондай-ақ Алтынкөл-Жетіген учаскесінің екінші жолының құрылысын бастау жобасы әзірленуде. . Биыл Достық-Мойынты темір жолы мен Алматы айналма жолының құрылысы аяқталады деп күтілуде.