Семей қаласы әкімдігінде кеңейтілген аппараттық жиын өтті. Қала басшысы Талғат Мұратовтың төрағалығымен өткен жиналысқа барлық бөлім және коммуналдық қызмет басшылары қатысты.

Күн тәртібінде бюджет қаражатын игеру, үкіметтік емес ұйымдарымен өзара іс-қимыл және ынтымақтастық, Семей қаласының шекараларын белгілеу және түзету туралы мәселелер қаралды.

ҚР Үкіметінің 2024 жылғы 7 қарашадағы № 825 «Абай облысы Семей қаласының бас жоспары туралы» қаулысына сәйкес жаңа бас жоспар бекітіліп, қала аумағы 33,0 мың га құрады. Жаңа бас жоспар аумақты кеңейту, функционалды аймақтарды жаңарту, сондай-ақ инженерлік және көлік инфрақұрылымын жаңғыртуды қарастырады.

Сонымен қатар, Семейде 250-ден астам үкіметтік емес ұйым бар, оның ішінде 6 саяси партия филиалдары, 30-дан астам жастар бірлістіктері, 1 қоғамдық кеңес, 30 діни, 23 – этномәдени бірлестіктер және 7 кәсіподақ ұйым. Мемлекеттік органдар мен үкіметтік емес ұйымдар арасындағы өзара іс-қимыл және ынтымақтастық жүйесін жетілдіру азаматтық бастамаларды дамыту үшін жағдай жасау қажет. Биыл қаламызда 20 әлеуметтік жобаны іске асыру жоспарлануда.