Жәрмеңкеге 30-дан астам кәсіпорын мен мекеме өкілдері қатысып 200-ден астам бос жұмыс орындарын ұсынды. Оған 400-ге жуық тұрғын қатысып, 20-дан  астам адам жұмысқа орналасуға жолдама алды.

Сондай-ақ қатысушылар тікелей сұхбаттасу, түйіндеме тапсыру, жұмысқа орналасу бойынша кеңес алу мүмкіндігіне ие болды. Еңбек мобильділігі орталығы және мансап орталығының мамандары тұрғындарға жұмыспен қамтудың белсенді шаралары жөнінде ақпараттық-түсіндірме жұмыстарын жүргізіп, ақпараттық брошюралар таратты. Қатысушыларға Enbek.kz сайтында жарияланған бос жұмыс орындарын таныстырды. Бұл ретте  Семей қаласы бойынша Enbek.kz сайтында жарияланған 151 жұмыс берушіден 420 бос жұмыс орны ұсынылды.

Айта кетейік, «Жұмысшы мамандықтар жылы» аясында бос жұмыс орындарының жәрмеңкесі Абай облысының барлық қала мен аудандарында бір уақытта өтті. 

Оған 140-тан астам мекеме өкілдері қатысып, 600-ге жуық бос жұмыс орнын ұсынды. Жәрмеңке барысында 700-ге жуыөқ тұрғын қамтылды. 

Оның ішінде  50-ге жуық тұрғын жұмысқа орналасуға жолдама алды.