Сыбайлас жемқорлыққа қарсы қызметтің Абай облысы бойынша департаменті Қалматаев атындағы мемлекеттік жоғарғы медицина колледжінің студенттерімен кездесу өткізді.

Іс-шара барысында Департамент қызметкерлері студенттерге сыбайлас жемқорлыққа қарсы іс-қимыл қағидаттары, оның қоғам үшін жағымсыз салдары және кәсіби қызметтің барлық деңгейлерінде заңдылықты сақтаудың маңыздылығы туралы айтып өтті. Медицинада, кез-келген басқа саладағыдай, халықтың әділдігі мен сенімін қамтамасыз ету үшін заң шеңберінде әрекет ету маңызды екендігіне баса назар аударылды.

Денсаулық сақтау саласында «Заң мен Тәртіп» қағидатын сақтау тиімді және қауіпсіз медициналық көмек көрсетудің негізі болып табылады.

Осы саладағы заң бұзушылықтар мен сыбайлас жемқорлық әрекеттері пациенттер үшін де, денсаулық сақтау жүйесінің өзі үшін де ауыр зардаптарға әкелуі мүмкін. Медициналық көмектің сапасы, пациенттердің сенімі және емдеу қауіпсіздігі денсаулық сақтау мамандарының жоғары моральдық және этикалық стандарттарды қаншалықты ұстанатынына тікелей байланысты.

Департаменті «Заң мен Тәртіп» нарративін насихаттау жұмыстарын жалғастырады.