Облыс әкімі Семей қаласын дамыту бойынша кеңес өткізді
Абай облысының әкімі Берік Уәли Семей қаласын дамыту бойынша кеңес өткізді. Қала әкімі, облыстың тиісті басқарма және шаһардың бөлім басшылары қатысқан жиында облыс орталығын абаттандыру, көгалдандыру, жолдарды жөндеу, саябақтарды, мәдени-тарихи ғимараттарды жаңғырту, салу жайы талқыланды.
«Енді әр апта сайын Семей қаласын дамыту, көркейту бойынша осындай кеңес өткізіп отырамыз. Шаһарды өркендету бойынша жоба-жоспарларды талқылаймыз. Қалада қордаланған мәселе көп. Алда үлкен жұмыс күтіп тұр. Сол шаруаларды тізе қосып, бірлесе шешуіміз керек. Семей – облыстың айнасы. Аудан-ауылдар облыс орталығына қарап бой түзейді. Қала соған сай болуы керек. Оның үстіне биыл – Абай Құнанбайұлының 180 жылдығы. Президент Қасым-Жомарт Тоқаев «Ұлы Абайдың мерейтойын лайықты атап өтуіміз керек»,- деп тапсырған болатын. Дайындық шараларын күшейтуіміз керек»,- деді облыс әкімі.
Кеңесте Семей қаласының әкімі Талғат Мұратов биылға жоспарланған жобалар туралы баяндады. Аймақ басшысы шаһарды абаттандыру бағытындағы басталған жұмысты жалғастырып, өзекті мәселелерді шешу, инвестиция тарту бойынша нақты жоспар әзірлеуді тапсырды.
Тағыда оқыңыз
Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіҚасым-Жомарт Тоқаев: «Мақсатым – экономиканы және егемендікті нығайту»Қасым-Жомарт Тоқаев: Біз озық ойлы ұлт ретінде тек қана алға қарауымыз керекМемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыМемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы