Семейде бес жұлдызды қонақ үй бой көтереді
Абай облысының орталығы Семей қаласында бес жұлдызды қонақ үй салу жоспарланып отыр. Бұл туралы облыс әкімі Берік Уәли облыстық мәслихат депутаттарымен өткен кездесуде мәлімдеді. Жаңа нысан қаланың туристік және іскерлік әлеуетін арттыруға бағытталған маңызды жоба болмақ.
Әкімнің айтуынша, қазіргі уақытта отандық және шетелдік инвесторлармен келіссөздер жүргізілуде. Бастапқы келісімдер жасалып, қонақ үй құрылысына қызығушылық танытқан инвесторлар тартылуда.
«Қазір шетелдік және отандық инвесторларды тартып, олармен күнделікті кездесулер өткізіп жатырмын. Семейге бес жұлдызды қонақ үй салу бойынша келіссөздер жүргізілуде және алғашқы келісім бар. Бұл жоба қаланың дамуы мен инвестициялық тартымдылығын арттыруға ықпал етеді. Бүгінде депутаттардың арасында да кәсіпкерлер бар екенін білемін. Сіздерді Семей қаласының гүлденуіне, көркеюіне атсалысуға шақырамын. Бизнестің әлеуметтік жауапкершілігі аясында туған жерді түлетуге үлес қосыңыздар. Облысымызды бірге өркендетейік», – деді әкім.
Бұл бастама Семейді Орталық Азиядағы заманауи туристік орталықтардың бірі ретінде дамытуға жасалған маңызды қадам болмақ.
Тағыда оқыңыз
Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіҚасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыМемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына ЖолдауыҚасым-Жомарт Тоқаев: Біз озық ойлы ұлт ретінде тек қана алға қарауымыз керек