Бүгін «AMANAT» партиясы жанындағы Мүгедектігі бар адамдардың инклюзиясы жөніндегі республикалық кеңестің кезекті отырысы өтті. Іс-шараға Құрылыс және тұрғын үй-коммуналдық шаруашылық істері комитеті төрағасының орынбасары Қанат Мыңбаев қатысты.

Жиында партияның сайлауалды бағдарламасын жүйелі жүзеге асыру, мүгедектігі бар адамдарға қолайлы жағдай жасау және ерекше білім беру қажеттілігі бар балаларды қолдау бағытында атқарылып жатқан жұмыс барысы талқыланды.

Сөз басында Кеңес төрағасы, Мәжіліс депутаты Ерлан Әбдиев «AMANAT» партиясының 2023-2027 жылдарға арналған «Халықпен бірге!» сайлауалды бағдарламасындағы басым бағыттың бірі – мүгедектігі бар адамдардың тұрмысын жақсарту екенін атап өтті. Сондай-ақ, ол мониторинг барысында инклюзивті білім беретін мамандардың біліктілігін арттыру, логопед, дефектолог, психолог сынды мамандардың жетіспеушілігі, оқу бағдарламаларын ерекше қажеттілігі бар балаларға сай бейімдеу мәселелері назарға алынғанын жеткізді.

Оқу-ағарту вице-министрі Еділ Оспан инклюзивті орта құру – барлық білім алушыларға тең мүмкіндікті қамтамасыз ететін негізгі фактор екенін атап өтті.

«Министрлік мүгедектігі бар адамдар үшін қолжетімді әрі жайлы орта қалыптастыру бойынша жүйелі жұмыс жүргізуде. Заңнамаға енгізілген өзгерістер қолжетімділік талаптарын жобалау кезеңінен бастап нысанды пайдалануға беруге дейін ескеруге мүмкіндік береді. Жергілікті атқарушы органдар бұл нормалардың сақталуын қатаң бақылауға алуы қажет, өйткені олардың іске асырылуы азаматтардың өмір сүру сапасына тікелей әсер етеді», – деді Құрылыс және тұрғын үй-коммуналдық шаруашылық істері комитеті төрағасының орынбасары Қанат Мыңбаев.

Сондай-ақ, отырыста Көлік министрлігінің өкілдері, бейнеконференция байланыс режимі арқылы өңірлердегі азаматтар қатысты. Олар мүгедектігі бар адамдарға қолайлы орта қалыптастыру мәселесін жан-жақты талқылады.

Бүгін «AMANAT» партиясы жанындағы Мүгедектігі бар адамдардың инклюзиясы жөніндегі республикалық кеңестің кезекті отырысы өтті. Іс-шараға Құрылыс және тұрғын үй-коммуналдық шаруашылық істері комитеті төрағасының орынбасары Қанат Мыңбаев қатысты.

Жиында партияның сайлауалды бағдарламасын жүйелі жүзеге асыру, мүгедектігі бар адамдарға қолайлы жағдай жасау және ерекше білім беру қажеттілігі бар балаларды қолдау бағытында атқарылып жатқан жұмыс барысы талқыланды.

Сөз басында Кеңес төрағасы, Мәжіліс депутаты Ерлан Әбдиев «AMANAT» партиясының 2023-2027 жылдарға арналған «Халықпен бірге!» сайлауалды бағдарламасындағы басым бағыттың бірі – мүгедектігі бар адамдардың тұрмысын жақсарту екенін атап өтті. Сондай-ақ, ол мониторинг барысында инклюзивті білім беретін мамандардың біліктілігін арттыру, логопед, дефектолог, психолог сынды мамандардың жетіспеушілігі, оқу бағдарламаларын ерекше қажеттілігі бар балаларға сай бейімдеу мәселелері назарға алынғанын жеткізді.

Оқу-ағарту вице-министрі Еділ Оспан инклюзивті орта құру – барлық білім алушыларға тең мүмкіндікті қамтамасыз ететін негізгі фактор екенін атап өтті.

«Министрлік мүгедектігі бар адамдар үшін қолжетімді әрі жайлы орта қалыптастыру бойынша жүйелі жұмыс жүргізуде. Заңнамаға енгізілген өзгерістер қолжетімділік талаптарын жобалау кезеңінен бастап нысанды пайдалануға беруге дейін ескеруге мүмкіндік береді. Жергілікті атқарушы органдар бұл нормалардың сақталуын қатаң бақылауға алуы қажет, өйткені олардың іске асырылуы азаматтардың өмір сүру сапасына тікелей әсер етеді», – деді Құрылыс және тұрғын үй-коммуналдық шаруашылық істері комитеті төрағасының орынбасары Қанат Мыңбаев.

Сондай-ақ, отырыста Көлік министрлігінің өкілдері, бейнеконференция байланыс режимі арқылы өңірлердегі азаматтар қатысты. Олар мүгедектігі бар адамдарға қолайлы орта қалыптастыру мәселесін жан-жақты талқылады.