Cемей-0°С
Ауа-райы
  • Абай-17°С
  • Аягөз-10°С
  • Ақсуат-15°С
  • Бородулиха-17°С
  • Қалбатау-15°С
  • Курчатов-4°С
  • Көкпекті-11°С
  • Үржар-10°С
503.05 542.99 5.98

Абай облысында ауыл оқушыларына арналған IQanat олимпиадасының ІІ кезеңі өтті

26-03-2025, 17:04 Думан Кенжеғазыұлы

Наурыз айында еліміз бойынша IQanat олимпиадасының екінші кезеңі басталды. Бұл кезеңге ауыл мектептерінен іріктелген 10 мыңға жуық 8-сынып оқушысы қатысуда. Олар – алғашқы кезеңде бақ сынаған 50 мың үміткердің ішінен озып шыққандар.

Абай облысында ІІ тур 21-25 наурыз аралығында өтті. Олимпиадаға жолдама алған 336 оқушының 314-і қатысып, өз білімдерін сарапқа салды.

Салтанатты ашылу рәсіміне «IQanat» республикалық білім беру қорының директоры Азамат Ашамаев пен облыстық қамқоршылар кеңесінің мүшесі Айдос Таңсыққожин қатысты.

Бұл кезеңнен өткен оқушылар Бурабайдағы IQanat мектеп-пансионатында тегін білім алу, сондай-ақ кәсіби бағдар, ҰБТ-ға дайындық, ағылшын тілі мен ІТ саласындағы дағдыларды қамтитын үш жылдық қолдау бағдарламасына қатысу мүмкіндігіне ие болады.

Биылғы олимпиаданың ерекшелігі – Peer-to-Peer жобасы. Бұл бастама аясында жоғары сынып оқушылары мен түлектер өзінен кейінгі буынға тәлімгер ретінде білім жолын нұсқайды. Игі дәстүрге айналған бұл жоба – «Giving Back» қағидатының нақты көрінісі.

IQanat түлектерінің 94%-ы қазіргі таңда Қазақстан мен шетелдің жетекші университеттерінде білім алады. Бағдарлама ауыл оқушыларына сапалы білім мен жарқын болашаққа жол ашады.

Пікірлер (0)

Кликните на изображение чтобы обновить код, если он неразборчив